Absoluzioa eskatu dute Tubacexeko langile baten epaiketa aurrean

  • Elkarretaratzea egin dute Gasteizko Epaitegien aurrean "auzipetuentzat absoluzioa" eskatzeko. 21 hilabeteko espetxe zigorra eskatzen diote ostegunean epaitu duten Tubacexeko langileari.

Artikulu hau CC BY-SA 4.0 lizentziari esker ekarri dugu.

2023ko ekainaren 16an - 05:35

Dozenaka lagun bildu dira gaur, osteguna, goizeko 9:30etan Gasteizko Epaitegien aurrean, barruan Tubacexeko langile bat epaitzen ari ziren bitartean. Bigarren aldia da 2021eko urrian amaitu zen grebagatik enpresako langile bat epaitu dutena, eta 21 hilabeteko espetxe zigorra eskatu dute bere aurka, agintearen aurkako atentatua eta erresistentzia leporatuta. Epaitegi kanpoaldean bildutakoek absoluzioa eskatu dute Tubacexeko langile honentzat eta gainerako auzipetuentzat, eta aldarrikatu dute «langile borroka ez dela delitua». Beste 6 pertsona epaituko dituzte grebako gertakarien harira, eta denak batera hartuta 20 urteko espetxe zigor mehatxua dute.

Protestaren deitzaileek azaldu dutenez, gaur epaitu duten Tubacexeko langilea ertzainen lehenengo «kargaren» testuinguruan atxilotu zuten. Langileak tabako pakete bat bota zuen ertzainen noranzkoan, haiengana heldu gabe, eta horren ondoren 4 ertzain bere gainera oldartu ziren, kolpatu egin zuten eta lesio iraunkor bat eragin zioten. Ertzainen testigantzetan oinarrituta «atentatua eta erresistentzia» delituak egozten dizkiote langileari.

Aintzane Mendia Tubacexeko langilea izan da protestan, eta berak azaldu du atxiloketak, jipoiak eta isunak jaso zituztela ertzainen aldetik Tubacexeko greban zehar. Mendia bera izan zen azken grebagatik epaitutako lehenengo pertsona, eta absolbitu egin zuten iazko azaroan. Bideo batean argi ikusten zen ertzainek leporatzen ziotena ez zela egia, eta epaileak ere sententzian adierazia utzi zuen muntai polizial kasu bat izan zela. Ertzain horiek, Hala Bedik jakin duenez, ez dute bestelako zigorrik jaso gezurretan aritzeagatik.

Aintzane Mendiak azaldu du gaur epaitu dutenarekin zazpi lagun epaituko dituztela grebaren harira, hiru enpresako langileak dira eta beste laurak grebaren alde borrokatu zuten eskualdeko beste enpresetako langileak dira. Enpresako langileen kasuan azaldu du badaudela egoera azaltzen duten bideoak, epaiketan lagunduko dituztenak, baina Aiaraldeko bizilagunen kasuan ez, eta «zailagoa izango dela haien errugabetasuna frogatzea». Izan ere, Tubacexeko langileak ez diren pertsonen aurka «gogorrago jo dutela» aipatu du Mendiak. Langileen borrokarekiko elkartasuna kriminalizatzeko mekanismo gisa hartu dute ezberdintasun hau. 4 urte eta 7 hilabeteko espetxe zigor eskaera dago haien aurka, parte hartu ez zuten pikete baten harira. Piketera heldu zirenean atxilotu zituztela azaldu du Mendiak, eta horregatik ez dagoela haien bideorik.

Gaur Gasteizen «Ertzainas en lucha» plataformak mobilizazioa egin du eta tranbia mozteko asmoa adierazia zuen berriro ere. Horren aurrean Aintzane Mendiak moral bikoitza salatu du, greba garaian Tubacexeko langileek tranbia moztu zutenean «gogor jipoitu» zituztelako ertzainek, eta orain haiek ez dutelako lanean dauden ertzainen oztoporik jasotzen. Aipatu du bidegabekeria bat dela epaile batek esatea «haiek egin dezaketela», besteok kolpatu egin gintuztenean.

 


Kanal honetatik interesatuko zaizu: Langile borroka
2024-04-18 | Gedar
Lanuzteei ekin diete berriz Trapagarango Amazonen

Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.


Mecanerreko langileakaz batera mobilizatu dira Bizkaiko 60 enpresa inguru industria-politikan jarrera aldaketa bat eskatzeko

Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]


Arrasaten zama gainera erori zitzaion garraiolaria hil da: "Lan istripuen gorakada gogorra jasaten ari gara"

LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]


50.000 afiliatuko langa gainditu du LABek, mende erdia bete berri

Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.


Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


Eguneraketa berriak daude