Abortuaren Legeak tira-birak sortu ditu PPko buruzagien artean ere
Gallardonek abiatutako Abortuaren Legearen Erreformak hautsak harrotu ditu, PPko hainbat goi kargu ere egitasmoaren kontra agertzeraino.
Valentziako, Extremadurako eta Gaztela eta Leongo presidenteak kritiko azaldu dira.
Extremadurako agintari José Antonio Monagok gaitzetsi du proiektua: “Inork ezin du behartu emakume bat ama izatera”. Gainera, abortuaren gaiari dagozkion legeak aldatzeko “gehiago itxaron” behar dela uste du.
Espainiako Auzitegi Konstituzionalari egiten dio erreferentzia Monagok “itxaroteko” eskaera egiten duenean. Izan ere, 2010ean PSOEk indarrean jarritako Abortuaren Legearen aurka helegitea aurkeztu zuen PPk Konsitituzionalean. Eta oraindik ez du erantzunik jaso.
Gaztela eta Leongo lehendakari Juan Vicente Herreraren ustez ere, epaia jaso ostean egitasmoari ekitea litzateke “zentzuzkoena”.
PPko boto emaileak ere kontra
El Mundo egunkariak egindako inkesta baten arabera, PPko boto emaileen %52k ez du egungo legea aldatzerik nahi. Are gehiago, bere garaian Rajoyren alde egin zutenen herenak baino ez du bat egiten erreformarekin (%31,5).
ARGIAn inkestaren emaitzak aztertu genituen.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".