"40 Días por la vida" talde ultrakatolikoak abortatzeko eskubidearen aurkako 40 eguneko kanpaina abiatu du Gasteizen. asteazkenean bost pertsona haurdunaldiak eteten dituen Rioja Kaleko klinika baten parean egon ziren arratsaldean "Rezamos por ti y por tu bebé" eta "Reza con nosotros" leloak zituzten kartelekin.
Gasteiz Hoy-k asteazkenean jakinarazi zuen gertatutakoa: hiru emakume eta bi gizon abortuak egiten dituen Rioja Kaleko klinika baten parean egon ziren arratsaldean "Rezamos por ti y por tu bebé" eta "Reza con nosotros" leloak zituzten katelekin.
Egunkari digital horren arabera, ez dira ohikoak izan horrelako protestak Gasteizen, orain arte behintzat; bai, ordea, Estatuko beste probintzia batzuetan. Horietan, abortatzeko eskubidearen aurkako taldeek kliniketara sartzen diren emakumeak jazartzen dituzte, eta askotan zuzenean haiekin hitz egiten saiatzen omen dira. Haurdunaldia etetea bertan behera uzteko konbentzitu nahi izaten dituzte, argudio ultrakatolikoak edo txantaia emozionala baliatuz.
«Bijiliak abortorio aurrean»
40 Días por la vida taldeak atzo hasitako 40 eguneko kanpaina antolatu du Gasteizen, abortatzeko eskubidearen aurka. Kanpaina horren funtsa 40 egunez Rioja Kaleko klinikaren parean zaintzak eta bijiliak egitea izango da, orazioak eta abortatzeko eskubidearen aurkako mezuak zabalduz.
Erakunde ultrakatoliko hori Texasen sortu zen 2004 urtean, eta gaur egun maila internazionalean jarduten du. Urtero antolatzen dituzte 40 eguneko abortuaren aurkako kanpainak, hainbat herrialdetan aldi berean. «Provida»-tzat dute euren burua eta «orazioen, baraualdien eta bijilien bidez» egiten dute haurdunaldia etetea erabakitzen duten pertsonen aurka. Edonork eman dezake izena jazarpen-kanpaina hauetan parte hartzeko, erakundearen webgunean.
Kliniketara doazen emakumeen aurkako jazarpena, delitua?
Talde ultrakatolikoek kliniken atarian abortatzera joaten diren emakumeak konbentzitzeko egiten duten jarduera Espainiako Estatuko Kongresuan eztabaidatu zen lehen aldiz asteartean, irailaren 21ean. Abortatzeko eskubidea erabiltzen duten pertsonak «jazarri edo hertsatzea» zigortzeko Kode Penalean tipo berri bat sartzearen alde bozkatu zuen gehiengoak.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".