ARGIA.eus

2022ko azaroaren 30a

Abortatzeko eskubidea legeztatu dute Argentinan

  • Egun historikoa da abenduaren 30a Argentinan. Senatuak onartu du 14. astera arte abortua legezkoa izatea. Aldeko 38 botoek –kontrako 29 eta abstentzio bat– babestu dute mugimendu feministaren urteetako aldarrikapena. Kalean milaka lagunek ospatu dute erabakia.

Kolore berdea izan da mugimendu feministen aldarrikapenaren kolorea.
2020ko abenduaren 30a - 09:19

Abenduaren 30ean behin betiko onartu du Argentinako Senatuak abortatzeko eskubide 14. astera arte jaso duen lege-proiektua. Abenduaren 11an Diputatuen Ganberaren onarpena jaso ostean, 30ean izan dute azken mugarria Senatuan. Bozketaren emaitza ez zegoen argi, eztabaida hasteko orduak falta zirenean. Azken unera arte aukera guztiak mahai gainean ziren, baita berdinketa ere. Mugimendu feministen eta legearen aldeko alderdien nahia zen 2018koa ez errepikatzea: legea Diputatuen Kongresuak onartu ostean, Senatuak atzera bota zuen: 31 alde, 38k aurka. Gaurkoa ordea 38 sentariren babesa jaso du lege proposamenak, orain bi urte baino aldeko zazpi boto gehiago.

Erabakia jakin bezain pronto, kalean zain ziren milaka lagunen artean poza barreiatu da:

Talde erlijiosoek eta ultrakontserbadoreek presio handia egin dute abortuaren kriminalizazioari eusteko, baina oraingoan ez da nahikoa izan. Eta hala, abortatzeko eskubidea lege gisa jasotzeko Kubak eta Uruguaik aurretik hartutako bideari gehitu zaio Argentina. Hego eta Ertamerikan gutxiengoa dira eskubide hori aintzat hartzen duten herrialdeak.

Legearen nondik-norakoak

Abortua legeztatzeko proiektuak hamalaugarren astera arte haurdunaldia etetea ahalbidetzen du, eta, aldi berean, praktika mediko horrekin ados ez dauden profesionalen kontzientzia-eragozpena onartzen du. Hamalaugarren asteko epea ez da aplikatuko haurdunaldia bortxaketa baten ondorio denean, 13 urtetik beherakoen kasuan edo emakumearen bizia arriskuan dagoenean. 16 urtetik beherakoek abortatzea erabakitzen badute, gurasoen edo tutorearen baimena beharko da. 16 urtetik gorakoek berriz, gaitasun osoa dute beren kabuz baimena eman eta haurdunaldia eteteko. Erakunde pribatu batek ez badu profesionalik haurdunaldia eteteko, beste erakunde batera bideratuko du emakumea, lege proiektuaren arabera.

Kanal hauetan artxibatua: Abortu eskubidea  |  Argentina

Abortu eskubidea kanaletik interesatuko zaizu...
2022-10-26 | ARGIA
Abortuaren aurkako protestak ezingo dituzte egin Gasteizko Askabide klinikatik 100 metro baino gutxiagora

Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]


2022-10-10 | Lide Iraola
Abortu eskubidearen alde egin dute AEBetako hainbat estatutan

Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.


2022-06-28 | Estitxu Eizagirre
Abortatu duten emakumeak jo-puntu bihurtzen dituzte hilekoaren kontrola daramaten app-ek

Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]



Irakurrienak
Argia buletina
Egunaren laburpena
zure e-postan
Eguneraketa berriak daude