Aberri Egun bakarra, hamaika deialdi
Aurtengo Aberri Eguna apirilaren 16an ospatuko da, eta gutxienez lau deialdi egin dituzte hainbat alderdi, mugimendu eta herritarrek.
Hilaren 26 Gernikako bonbardaketaren 80. urteurrena izango dela eta, gertutasuna baliatzea erabaki dute Independentista Sareak eta Gernika Batzordeak. Aberri Eguna Gernikan ospatzeko deialdia zabaldu dute, “hausnarketa sakona egin eta urratsak zehazteko unea” delako. “Euskal Herriarentzat ere argi dago zein den alternatibarik onena: estatu propioa eratu eta lehen Euskal Errepublika Independentea proklamatu”, azaldu dute zabaldutako oharrean. Eguerdiko 12:00etan hasiko da manifestazioa Udaletxeko Plazatik eta Pasealekuan amaituko da ekitaldiarekin. Jarraian bazkaria eta ospakizunak izango dira Pasealekuan.
Independentistak Sarearen ikuspegia konpartitzen duten hainbat herritarrek, bestalde, Uztaritzen ere antolatu dute Aberri Eguna. 11:00etan hasiko dituzte manifestazioa eta ekitaldia, eta ondoren bazkaria eta kontzertuak izango dira. Antolatzaileek “historikotzat” jo dute eguna, Frantziako iraultzatik lehen aldia baita Ipar Euskal Herriak instituzio propioa duela.
Askatasunaren Bidean, Euskal Ekintza eta Euskal Herriko Komunisten ustez, berriz, Aberri Eguna “egun folkloriko hutsa, eta zentzurik txarrenean ‘normalizatua’” bilakatu da. “Aberri Eguna berriz ere borroka eguna izan dadin”, Herri Batzarra antolatu dute eguerdiko 12:00etan Durangoko Andra Mariaren elizako arkupean: “Kolektiboki eztabaidatuko dugu gaur egungo egoeraz eta denon artean erabakiko zer egin Euskal Herri Langilearen askapen nazional eta sozialaren aldeko borroka guztiak indartzeko”.
EAJk ere Bizkaian ospatuko du Aberri Eguna, Bilbon. Lehen, orain eta beti, aberria! lemapean, mitina egingo dute 11:30ean Plaza Berrian. EAJko buruzagi Andoni Ortuzarrek esan du egun berezia dela, diktadura frankista ostean —1977an— egindako lehen asanbladaren urteurrena betetzen baita.
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
Mundua "oso azkar" aldatzen ari dela azaldu du Arnaldo Otegik, militarismorantz eta autoritarismorantz doala, eta norabide horren aurkako jarrera duela koalizio subiranistak.
Euskal Herria Baterak apirilaren 11an Donostiako Kursaalen egingo den ekitaldiaren berri eman du. Ekitaldia Aberri Eguna ospatu baino egun batzuk lehenago eginen da. Agerraldian Mireia Epelde, Xabier Euzkitze eta Carlos Etchepare bozeramaileek hartu dute parte, eta Manex Fuchs... [+]
“Independentziara egin beharreko bideaz” hausnartzea da helburu nagusia. Apirilaren 20an, Aberri Egunarekin batera, Berriozarren ospatuko duten Gazteon Eskutik jardunaldia izango dute azken geltoki.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
EAJk Bilbon egin du ekitaldia, EH Bilduk Iruñean eta EH Baik eta Bagirak Uztaritzen.
Aberri egun jendetsua izan da Itsasun igandean.1500 lagunek manifestaldian parte hartu zuten eguerditan, Bagira prozesuak deiturik. Itsasuko plazatik abiatu dira Atharriraino. Eta elizaren ondoko oroit harrian izan dira hitzaldiak.
Ipar Euskal Herriko mugimendu abertzalea Itsasun elkartu zen apirilaren 9an, 60. Aberri Eguna ospatzeko, eta Bagira prozesuak iragarri zuen “fase berri bat” zabaldu dutela. Parte hartzera eta elkartzera deitu dituzte herritarrak, Izan ginen, bagira, izanen gira... [+]
Bagira ekimenak, abertzaletasunari hats berria eman nahi dio Iparraldean. Transmisio historikoa landu da lehen fasean. Aberri Egunetik goiti gogoeta berriak abiatuko ditu, bide-orri berri bat adosteko.