ARGIA.eus

2021eko apirilaren 20a

Abadiñoko alkateak bere soldataren argazkia jarri du herriko portaletan

  • Jose Luis Navarro, Abadiñoko alkate independenteak bere nomina 2.796 eurokoa dela jakinarazi du. Horretarako herriko portal guztietan bere soldataren argazkia itsatsi du.

Martin Mendizabal Garai @mendigarai
2015eko uztailaren 20a
Abadiñoko Independenteak eta EAJk elkarrekin gobernatuko dute Abadiñon (Argazkia: AnbotoAbadiño)

Navarro bigarren agintaldia betetzen ari da Abadiñoko Udalean maiatzaren 24ko Udal Hauteskundeak irabazi ostean. 2008an bere soldata 500 euro murriztu zuen eta ordutik “izoztuta” daukala adierazi du.

Alkatearenez gain zinegotzien soldatak Abadiñoko udalaren webgunean ikusi ahalko dira. Alkateak “gardentasuna” erakutsi nahi du iniziatiba honekin.

Berriki jakitera eman denez, Abadiñoko independenteek EAJrekin koalizioan gobernatuko dute.

Legealdiko lehen plenoetan soldaten inguruko gaiek garrantzi nabarmena izan dute. EAJk gobernatzen duen Azkoitia, Arrigorriaga eta Beasaingo alkateek beraien soldata hurrenez hurren %47, %44 eta %19k igoko dute.

Iruñean alkatetza hartu berri duen Joseba Asironek (EH Bildu) bere soldata 13.000 euro jaitsi duela adierazi du. EH Bilduk gehiengoa daukan Bakioko udalbatzan alkatearen soldata %42,5 murriztuko dutela adierazi dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Soldata publikoak  |  EAJ  |  EH Bildu  |  Abadiño

Soldata publikoak kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude