"Hau ez da Manhattan" aldarrikatu dute bizilagunek Zorrotzaurreko uhartearen inaugurazioan

  • Astelehenean inauguratu du Bilboko Udalak “Zorrotaurreko uhartea” bezala izendatu dutena. Ekitaldian, auzotarrek proiektuarenganako gaitzespena adierazi dute.


2018ko urriaren 09an - 10:21
(Argazkia: Uriola.eus)

Frank Gehry zubian bildu ziren astelehenean Bilboko alkate Juan Mari Aburto eta udaleko hainbat zinegotzi. Inaugurazioaren baitan, obra langileek Deustuko kanala nola irekitzen zuten behatu zuten. 365.000 metro kubiko lur kendu dizkiote kanalari, orain arte penintsula izandakoa Bilboko itsasadarrarekin batu eta uharte bilakatuz.

Aburtok “une historikotzat” jo duena, gaitzetsi egin dute bertaratutako auzotarrek. “Hau ez da Manhattan, ez eta Zorrotzaurre ere, Erribera bizirik!” edota “Tiburoiak kanpora” bezalako lemak aldarri, Zorrotzaurre proiektuaren aurka agertu dira. Ekitaldea hasi aurretik Bilboko alkatea bizilagunengana hurbildu zen zeozer esan nahi ote zioten galdeginez, eta Erriberako bizilagunek irisgarritasunari, zerbitzuei eta segurtasunari dagozkien arazo ugari dituztela adierazi zioten. Arazook konpontzeko planaren zain egon dira auzokideak, eta behin plana garatutakoan bizilagunak kontutan hartzen ez dituela ohartu dira.

Uriolak bideoan jaso zuen alkatea auzotarrengana hurbildu zeneko unea:

 

Zertan datza “Zorrotzaurre” proiektuak

“Gaur egun degradatuta dagoen espazioa berreskuratzen duen plan integral eta iraunkorra” bezala aurkeztu izan da “Zorrotzaurre” proiektua. Honek, 840.000 metro koadroko irla barne hartzen du, zeina aurreikuspenen arabera “etxebizitza eskuraerraz”, “kutsatzen ez duten enpresa”, “gizarte eta kultura hornikuntza ugari” eta aisialdirako “alde zabalez” hornituko den. 1995eko Bilboko Hiri Antolaketarako Plan Orokorrean oinarrituta, orain zazpi urte onartu zen 250 milioi euroko kostua izango duela kalkulatzen den plana.


Kanal honetatik interesatuko zaizu: Hirigintza
2024-02-29 | Estitxu Eizagirre
Nola elikatu hiriak?
Hiriko parkeetan zergatik ez fruta arbolak eta barazkiak landu zuzenean biztanleentzat?

Hiriak nola elikatu? Horra Egonarria saioan Eli Pagolak Audrey Hoc laborariari luzatu dion galdera. Hoc-ek, bere lagun Aimar Rodriguezekin batera, fruitu arbolak ekoizten ditu, Etxalarren baso jangarria dauka eta Biriatuko udalarekin elikadura burujabetzaren estrategia martxan... [+]


Frankismoak errepresialatutako emakumeen izenez jantziko dira Txantreako karrikak

Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.


Chinatown: zokoratuak eta zukutuak

Txina, 1417 urte inguruan. Zheng He almiranteak, Ming dinastiako enperadoreen soldatapeko esploratzaileak esan zuen posible zela “mundu osoa ibiltzea Txinatik irten gabe”. Ordurako Indiako Ozeanoan, Itsaso Gorrian eta Asiako hego-ekialdean zabaltzen hasia zen kolonia... [+]


2024-01-04 | ARGIA
6.486 donostiarrek ezezko botoa eman diote Basque Culinary Center Gros eta Uliako parkeetan ezartzeari

Uliako auzo elkarteak eta SOS Manteo plataformak herri galdeketa egin dute asteburuan. 6.948 lagunek hartu dute parte, eta 6.486 parkeak babestearen alde agertu dira.


2023-12-13 | Axier Lopez
Gipuzkoa konkistatu zuen Gaztelako erregearen omenezko kaleari izena aldatu dio Arrasateko Udalak herritarren eskariz

Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]


Eguneraketa berriak daude