8.000 hegazti baino gehiago hil dira Nafarroako parke eolikoetan
1998an lehen parkea eraiki zenetik, 8.435 hegazti eta saguzar hil dira haize erroten ondorioz. Batzuk galzorian dauden espezieak dira. Nafarroako Ekologistak Martxan elkarteak legedia aldatu eta erantzukizuna hartzeko eskatu dio gobernuari.
1998an lehen parke eolikoa eraiki zenetik, Nafarroan 8.435 hegazti eta saguzar hil dira turbinek harrapatuta. Nafarroako Gobernuak Ekologistak Martxan elkarteari luzatu dion txostenaren arabera, 4.000 baino gehiago hegazti harrapariak dira (3.169 sai arre eta 265 miru beltz, besteak beste). Batzuk, gainera, arriskuan dauden espezieak dira: miru gorriak (94 hil dira) eta sai zuriak (10 baja).
GKEaren arabera, errealitatean, zifra horiek askoz altuagoak dira. Izan ere, estatistiketan animalia txikienak ez dira agertzen, sarraskijaleek jan dituztelako, edo aurkitzeko zailak direlako, bereziki gorpuak belar artean eroriz gero.
“Datu hauek erakusten dute parke eolikoak oso arriskutsuak direla ornodun hegalarientzako” —adierazi dute elkartetik — “bereziki hegazti harraparientzako”. Espainiako Estatuan bildutako zifrei gehituta, haize errotek eragiten duten kaltea espezieengan pozoinak sortzen duen triskantzarekin alderatu dute. Ebroko bailara osoan, animalia hauen etorkizuna “iluna” dela salatu dute.
Neurri aldaketak
Horregatik, Nafarroako Gobernuari Ingurumen Erantzukizunaren Legea aldatzeko eskatu diote. Parke eolikoen zein eguzki-parkeen eta linea elektrikoen enpresa titularrei isunak ezartzea planteatu dute, kolpez edo elektrokutatuta hiltzen diren animaliengatik ordain dezaten. Era berean, hilkortasun tasa handiena eragiten duten turbinak “gelditzeko eta desegiteko” eskaera egin dute, “oraindik ez baitago beste modu eraginkorrik” hegaztiak eta, bereziki, harrapariak hiltzea saihesteko.
Ekologistak Martxanek eta Sustrai Erakuntzak diote txinatar inbertitzaileek atzera egiteak agerian utzi dituela Zangozako meatzearen "funtsik gabeko arrazoiak". Nafarroako Gobernuari eskatu diote "interes publikoari erantzuten ez dion proiektu defendaezina... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain... [+]
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
Planeta freskoago baterako mugikortasun iraunkor, sozial eta egituratzailearen alde ekomartxa egingo dute, Ekologistak Martxan taldeak deituta. hamairugarren edizioa izango da aurtengoa. Uztailaren 28an Balmasedan sartu eta 30ean Barakaldon amaituko da.