EiTBk bortxaketa baten berri ematean 7Katu gaztetxeko irudiak erabili dituela salatu dute

  • Joan den urtarrilaren 14an emakume bat bortxatu zuten Bilboko Solokoetxe auzoan. 7Katu gaztetxeak prentsaurreko baten bidez salatu du EiTBk behin baino gehiagotan gai honen berri ematean, gaztetxearen fatxada erakutsi duela, eta "gaztetxearen irudia zikintzen saiatu" direla.

Lukas Barandiaran San Roman
2017ko otsailaren 14a
7Katu gaztetxeko kideek emandako prentsaurrekoa. (Arg.: 7Katu)

Gaztetxearen esanetan, hori “ez da kasualitatea, EAJren manipulaziorako tresna den EiTB komunikabidea gertakariaz baliatu da gaztetxearen irudia zikintzeko”. Gaztetxeko kideek adierazi dute etengabe jaso dituztela udal gobernuaren erasoak, baina bortxaketa bat haien politiken mesederako erabiltzeak “ezin hobeto deskribatzen du euren izaera”.

Kontrara, azpimarratu dute gaztetxearen presentziak auzoari, eta bereziki puntu beltza den Solokoetxeko eskailerei segurtasuna eman diela. Prentsaurrekoan, bortxaketa arbuiatu dute, eta autodefentsa feminista erabiltzeko prest daudela ohartarazi dute. “Edozein erasoren aurrean erantzuteko prest egongo gara”, amaitu dute gazteek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gazte mugimendua  |  EITB  |  Bilbo

Gazte mugimendua kanaletik interesatuko zaizu...
Bergarako gaztetxean lapurreta egin dute "kalte ekonomiko eta material handiak" sortuz

Domeka gauean sartu ziren lapurrak Bergarako Kartzela zaharra gaztetxean, "beste behin ere", eta Kartzela zaharra osatzen duten talde eta eragile ezberdinen arabera, "kalte ekonomiko eta material handiak" izan dira.


2018-11-13 | Topatu.eus
Bizkaiko gazte euskaltzaleen topaketak
MULTIMEDIA - erreportajea

Euskaraz eta euskaratik ekiteko elkartu dira dozenaka gazte Portugaleteko merkatuan, 'Topa Gaitezen' lelopean, elkarrekin hausnartu eta eztabaidatzeko. Euskaraz egitearen izaera politikoa jarri dute mahai gainean.


2018-11-07 | Zebrabidea
"Topa gaitezen", Bizkaiko gazte euskaltzaleen topaketak egingo dituzte azaroaren 10ean

Azaroaren 10ean Portugaleteko Merkatuan Bizkaiko Gazte Euskaltzaleon Topaketak egingo dira, "Topa Gaitezen" izenpean. Euskararen inguruan hausnartu, trensa eraginkorretan pentsatu, euskararen borrokari eta euskaratik antolatuko den gazte mugimendu bati zilegitasuna eman, eta Bizkaia mailan gazteei honi buruz hausnartzeko tartea eskainiko diete, besteak beste.


2018-10-31 | Aitzina
Erabaki, aske izateko!

Astebete baino gutiago falta da Kanakyko independentzia erreferendumerako. Heldu den igandean, azaroaren 4an, urte luzetan borrokaturiko autodeterminaziorako eskubidea gauzatuko dute Kanakiarrek. Ozeano Bareko Melanesia artxipelagoan kokaturik dagoen herri honek, Frantziaren mendeetako koloniazioaz askatzeko berebiziko urratsa egin dezake.


2018-10-30 | ARGIA
Bizkaiko Gazte Euskaltzaleen Topaketak izango dira azaroaren 10ean Portugaleten

Gazte Mugimenduak antolatu ditu. 2016ko abenduko “Gazteraiki” topaketak dituzte abiaburu oraingoek, eta besteak beste Bizkaia osoko gazteak biltzea dute helburu.


2018-10-30 | Gure Irratia
Itsasuko Goxoki gaztetxeak 30 urte bete ditu asteburuan

Urriaren 27an, Itsasuko Goxoki gaztetxeak 30 urte ospatu ditu.


2018-10-29 | Ahotsa.info
Arrotxapeako gaztetxearen aurkako epaiketaren atarian, ehunka lagun bildu dira gune autogestionatuen aldeko martxan

Gaztetxeak arriskuan daude Iruñean, eta horien beharra aldarrikatzeko 500 lagun inguru batu ziren larunbateko manifestaziora.


2018-10-26 | Topatu.eus
Durangaldeko Gaztetxe eta Gazte Asanbladen Topaketa egingo dute azaroaren 10ean

Ixorretako Gazte Asanblada, Berrizko Gaztetxea, Abadiñoko Gaztetxea, Matienako Gazte Asanblda, Otxandioko Gaztetxea eta Durangoko Sorginola Gaztetxea elkartuko dira, besteak beste, azaroaren 10ean.


Hondarrak; erlojupeko desjabetze baten kronika
MULTIMEDIA - dokumentala
Zarauzko Danda gazte asanbladak sortutako dokumentala da ‘Hondarrak’: "herri-ereduak ezkutatzen duena erakusteko, hondarpean dagoena azaleratzeko, herriari ahotsa emateko, hausnartzeko eta eztabaidatzeko". Irailaren 5ean estreinatu zuten lana Zarauzko Putzuzulo gaztetxean.

2018-10-18 | Topatu.eus
#GazteBira, prekarietatearen kontrako norantzan

Urriaren 11, 12 eta 13an, Ernai gazte antolakundeak deituta Hego Euskal Herriko lau hiriburuetatik pasa zen Gazte Bira ekimena. Prekarietateak gazteen bizitzak zeharkatzen dituen moduak azaleratzea eta Oraina borrokatzeko koordenadak txostena hedatzea helburu, hezkuntza, enplegua, etxebizitza eta feminismoa izan zituzten hizpide gazte mugimendu ezberdinetako partaideek.


Azkenak
EGILEA
Eguneraketa berriak daude