78 pertsona erreskatatu ditu Aita Mari ontziak Maltako uretan

  • Ostegun gauez beste 94 pertsona zeramatzan ontzi baten bila aritu ziren, baina ontziko kide Izaskun Arriaranek adierazi duenez, seguruena “guztiak itota hil dira”.


2019ko azaroaren 22an - 10:18
Irudia: Itsas Laguntza Humanitarioa (SMH)

Aita Mari ontziak Mediterraneo itsasotik 78 pertsona erreskatatu dituela jakinarazi dute sare sozialen bidez. Espainiako Gobernuaren erreskate baimenik eduki ez arren, Italiako eta Maltako gobernuekin eskuratu zuen herrialde horien ur eremuetan aritzeko baimena. Hain zuzen, Malta inguruan burutu dute erreskatea. Open Arms eta Ocean Viking itsasontziak ere erreskate lanetan aritu dira azken bizpahiru egunetan, eta ehunka lagun jaso dituzte galduta zebiltzan ontzietatik.

Egunotan Libiatik ateratako pertsonak dira erreskatatuak. Orain porturatzeko baimenaren zain dago Aita Mari. Adierazi dute oraindik ez dutela ez Italiatik ez Maltatik baimenik jaso.

Erreskatea egin eta berehala, 94 pertsonez betetako beste ontzi bati buruzko abisua jaso zuten, Aita Mariko kide Izaskun Arriaranek Euskadi Irratian adierazi duenez. Ez zuten ontzia aurkitu, eta guztiak itota hil direla da haien ustea.

Urriaren 20an itsasoratu zenean, atunontziak Lesbosera (Grezia) egin zuen bidaia, elikagaiak eta errefuxiatuentzako sostengua eskaintzera.


Kanal honetatik interesatuko zaizu: Errefuxiatu krisi globala
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Eguneraketa berriak daude