ARGIA.eus

Bultza kazetaritza independentea

72 milioi euro Frantziatik Erresuma Batura doazen migratzaileak Mantxako kanalean eteteko

  • Bi herrialdeek aste honetan sinaturiko akordio berriak %40 handituko du Frantziako kostaldeak kontrolatzen dituzten mugako patruilen kopurua, Erresuma Batura heldu nahi duten migratzaile eta asilo eskatzaileen iritsierak murrizteko helburuarekin.

Calais inguruan polizia kontrola biderkatuko dute Frantziako eta Britainia Handiko gobernuek.
Iñaki Agirre
@ikiagirre

2022ko azaroaren 17a - 07:05

Londreseko gobernu berriaren lehentasun nagusienetako bat zen, eta jada hartu dituzte neurriak hari aurre egiteko. Erresuma Batuak eta Frantziak bi herrialdeen arteko lankidetza akordioa eguneratu berri dute Mantxako kanala era irregularrean gurutzatzen duten pertsonen fluxuaren gorakada eteten saiatzeko. Hala, datorren urtean Frantziak 72,2 milioi euro josoko ditu besteak beste kostaldeak kontrolatzen dituen mugako patruilen kopurua %40 handitu eta agente britaniarrei kanaleko bere eremuetan behatze lanak egiten uzteagatik.

Akordio hau bi herrialdeek hiru urtetan sinatu duten laugarrena da, eta azken hilabeteetan Mantxako kanaletik Erresuma Batura iritsi diren migratzaile kopuruaren gorakadari erantzuten dio. Izan ere, urte hasieratik hona 40.000 pertsona baino gehiagok gurutzatu dute muga bide horretatik, 28.526 izan ziren iaz, 2020an 8.404 eta 2019an 2.000 baina gutxiago.

Milaka pertsona Calais inguruetan muga zeharkatzeko beren aukeraren zain, muturreko pobrezian bizitzen.

Gerald Darmanin Frantziako barne ministroak eta Suella Braverman Erresuma Batuko bere homologoak astelehenean sinatu zuten akordioa, Parisen, eta azken honek adierazi du neurri honen helburua legez kanpoko migrazioa saihestea eta pertsonen trafikoari aurre egitea dela: “Ahal dugun guztia egin behar dugu jendeak bidaia arriskutsu horiek egiteari utz dezan eta pertsonen trafikatzaileak akabatzeko”.

Itsasoa gurutzatuz bizitza arriskatzen duten pertsona eta asilo eskatzaile horientzako bide seguruak eskaini beharrean, ordea, muga gaineko polizia kontrola areagotzea erabaki dute bi gobernuek, migratzaileen eskubideen defentsan lan egiten duten GKE-n eta aktibisten proposamenen aurka.

Asilo eskatzaileentzako bide seguruak aldarrikatzen dituen Safe Passage erakundetik diotenez, kontrabandistek kanalean duten kontrola ezin da hautsi errefuxiatuei alternatibak eskaini gabe: “[Gobernuek] elkarrekin lan egin beharko lukete, prozesu bateratu baten bidez, pertsonei Erresuma Batuan asiloa modu seguruan eskatzen laguntzeko eta Frantzian ere beste hainbeste egiteko”.

Jasotako inbertsioarekin, Dunkerque eta Calais inguruko kostaldea patruilatzen duten jendarmeak 250 bat izatetik 350 izatera pasako dira. Halaber, kanalaren ikuskaritzarako ekipamendu teknologikoa hobetuko dute drone, kamera eta helikoptero berriekin, eta pertsonen detekziorako txakurren ekipoak areagotuko dituzte ere. Dena den, akordioaren punturik esanguratsuena agente britaniarrek miatze lan horietan parte hartzea baimenduko duena da; izan ere, hauek lehen aldiz izango dute aukera, mugaren beste aldean, Frantziaren kontrol geletan eta kanaleko patruiletan behatze lanak egiteko.

Milaka pertsonak arriskatzen dute beren bizitza muga igarotzeko, bizitza hobe baten esperoan. Asko bidean hiltzen dira.

Errefuxiatu krisi globala kanaletik interesatuko zaizu...
Keniako errefuxiatu kanpalekuetan hirukoiztu egin da haurren desnutrizioa

Afrikako adarra berriz dago muturreko egoeran sikateak eta gatazka armatuek eraginda, eta ondorioak errefuxiatu kanpalekuetan pairatu dituzte: Keniako kanpaleku handienetako batean %33 hazi dira malnutrizio kasuak, eta horietako gehienak haurrak dira.


2023-01-20 | Iñaki Agirre
Mediterraneoan turistekin dabiltzan ferryetan legez kanpo deportaturiko migratzaileentzako ezkutuko ziegak daude

Italiaren eta Greziaren arteko ibilbideak egiten dituzten ontzi komertzialetan asilo eskatzaileen itzultze ilegalak burutzeko ziega ezkutuak daudela frogatu du Lighthouse Report erakundeak.


2022-12-20 | Iñaki Agirre
Caminando Fronteras-en txostena
Eguneko sei pertsona hil dira Afrikatik Espainiara doazen migrazio-bide nagusietan 2018tik

Caminando Fronteras kolektiboak argitaratu berri duen txosten baten arabera, 11.286 pertsona hil dira azken bost urteetan Europako Mendebaldeko muga gurutzatzeko ahaleginetan.


2022-12-12 | Iñaki Agirre
Bideo batekin frogatu dute
Errefuxiatu bati tiro egin diote Bulgariako poliziek, Europako Batasunaren mugan

Ikerketa kazetaritza egiten duen Lighthouse Reports erakundeak frogatu du urrian Bulgariako agenteek Siriako gazte bat tirokatu eta zauritu zutela Batasunak Turkiarekin duen mugan. Halako gertakari bat bideoan grabatu eta zabaldu den lehen aldia da.


Hautsa finkatzen denean

Jendearen joan-etorria etengabea da Jordaniako Mafraq erdiguneko kale eta dendetan 11:00ak jo berri direnean. Trafikoaren zalapartak eta martxa motelak gauzak patxadaz eta arnas sakon batek akuilatuta hartzera behartzen gaitu. Zaatariko errefuxiatuen kanpalekutik hamabost... [+]


Eguneraketa berriak daude