400 bat migratzaile hilda Libiatik Italiarako bidean

  • Libiatik abiatutako itsasontzi bateko 400 bat pertsona desagertuta daude apirilaren 13tik. Italiako itsas segurtasun eta sorosle taldeak hauen bila badabiltza ere, gehienak hiltzat jotzen dituzte.


2015eko apirilaren 15an - 16:30
Iragan abenduan erreskatatutako migratzaileak ikusi daitezke Italiako Itsas Armadaren argazkian.

Itsasontzia Siziliatik gertu zela hondoratu zen eta dagoeneko 150 bat pertsona bizirik eraman dituzte Italiara. Haien testigantzekin osatu da gertatutakoaren informazioa eta, horren arabera, ondorioztatu da hildakoen artean gazte eta haur ugari zegoela, horietako asko Libian bakarrik itsasoratutakoak.

Egoera oso gogorra bizitzen ari da Libia eta horren ondorioz ohi baino pertsona gehiago itsasoratzen da Italiara iristeko asmotan. Save the Children GKEak jakinarazi duenez, Mediterraneoa zeharkatzeko ahaleginak ugaritu egin dira azken egunetako eguraldi onaren ondorioz eta apirilaren 11a eta 13a artean 5.100 pertsona iritsi zen Italiako lurretara, horien artean 450en bat adin txikikoak.

2013ko urrian ere 200 pertsona iritsi ziren hilik Italiako Lanpedusako irlara itsasontzi bat urperatu ondoren, beste 150 desagertu ziren eta beste 150 bizirik erreskatatu zituzten. Itsasontzi bakarrean izan zenez, ordura arteko migratzaileen istripu larrienetakotzat jo zen hura, baina milaka pertsona hiltzen dira urtean Mediterraneoko zeharkaldietan. Aurtengo otsailean hasieran, esate baterako, bizpahiru egunetan beste 300 bat pertsona hil ziren Siziliako Kanalean, denboraleak eramaten zituzten lau itsasontziak hondoratu eta gero.


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude