1973ko apirilaren 19an, 28 urte zituela, poliziak Eustakio Mendizabal ‘Txikia’ tiroka hil zuen. Gaur gertaera hartatik 40 urte bete direnean, omenaldia egingo diote 19.30etan Itsasondon, bere jaioterrian. Ekitaldian bertsolariak, dantzariak eta txalapartariak izango dira, jarraian elkarretaratzea egiteko.
Euskaltzale eta poeta gaztetatik, ETAko militante izan zen. Erakundearen une garrantzitsuetan zeresana izan zuen. Esaterako, Burgosko epaiketetan eta Carrero Blancoren atentatua prestatze lanetan.
Algortan hil zuten, beste militante batzuekin biltzera zihoala. Ihes egiten ahalegindu zen, baina poliziak tirokatu eta Basurtoko ospitalean hil zen.
Susa literatur atariak bere olerki eta bertsoen bilduma osatu du. Besteak beste, Itsasondoko kanposantuko hilobian idatzita dagoen olerkia:
Ikastol eta eliz askotan
Atea didate itxi;
Atzerritarrak eta seme askok
Lapur bat antzo ezetsi
Nere izena apaldu arte
Iñoiz ezin dute etsi...
Zer egin diet etsai bezala
Ainbat nazaten gaitzetsi?
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.