40 eraso LGTBIfobo erregistratu dira 2016an Hego Euskal Herrian

  • LGTBIfobiaren aurkako eguna da ostegunean, eta ospatzeko baino aldarrikatzeko eguna izango dela erakutsi dute datuek: eraso LGTBIfoboak ugaritu egin dira.

Maddi Txintxurreta @mtxintxurreta
2018ko maiatzaren 17a
Gasteizen sexualitate anitzen alde egindako manifestazioa (Arg: Gasteiz Hoy)

OME Osasunaren Mundu Erakundeak 1990eko maiatzaren 17an kendu zuen homosexualitatea buruko gaixotasunen zerrendatik, eta ordutik LGTBIfobiaren aurkako eguna ospatzen da. Honen harira, agerraldia egin da asteazkenean Gipuzkoako Foru Aldundian, Gorroto Delituei Begirada Orokorra proiektua (OSGI) aurkezteko. Lesbiana, gay eta transexualei arreta ematen dien Aldarte zentroak garatu du ikerketa, eta orientazio sexuala eta genero identitatearekin lotutako gorroto delituak azaleratu ditu.

Cristina Ruedak hartu du hitza Aldarteren izenean. Esan du 2016an sexualitatearekin lotutako gorroto delituen 30 salaketa jaso zituela Ertzaintzak Gipuzkoan, Bizkaian eta Araban. Horietatik 21 Bizkaian izan ziren. Nafarroan, aldiz, hamar izan ziren, beraz, 40 salaketa Hego Euskal Herrian. Hala ere, Ruedak nabarmendu du eraso gehienak ez direla salatzen.

Les Bascos elkartearen txosten baten arabera, Ipar Euskal Herrian ere erasoak gora egiten ari dira, eta nabarmendu dute adingabeek egoera bereziki arriskutsua bizi dutela, besteak beste, Interneten.

Nafarroako Gobernuak adierazpen instituzional bat izenpetu du, aldarrikapenari babes osoa emanez. Uxue Barkosen gobernuak lehen aldiz bat egin du LGTBIfobiaren aurkako eguneko aldarrikapenarekin.

Gasteizen 15 eraso

Gasteizko Transbollomarika Sareak sexualitateari lotutako 15 gorroto delitu erregistratu ditu 2017an, Hala Bedik jaso duenez.

Lumagorri HAT heterosexismoaren aurkako taldeak informe bat landu du kasu guztiekin, Gasteizen arlo honetan egin den lehenengoa. Dokumentuak dioenez, 15 kasu hauek “agerian uzten dute sexualitatearen eta genero identitatearen aurkako gorroto delituen Tokiko Behatoki baten beharra”.

Informeak nabarmendu du norma heterosexuala betetzen ez duten pertsonen aurkako erasoak zailak direla antzemateko; izan ere, gorroto moldeak asko eta anitzak dira, eta normalean “larrienak bakarrik egiten dira publiko”: erailketak, eraso fisikoak edo gorroto adierazpen publikoak.

15 erasoak horrela banandu ditu Lumagorrik: bi irainengatik, zortzi diskriminazio zuzenagatik, bi jazarpenagatik, bi intragenero diskriminazioagatik eta beste bat diskriminazio anizkunagatik.

Horietatik guztietatik, %57 espazio publikoan gauzatu ziren eta %44,8 hezkuntzaren arloan. Bestalde, azpimarragarria da erasoen erdia baino gehiago (%53,3) osasunaren arloan gauzatu zirela, eta lan arloan, aldiz, %28. Orobat, erasoen %43 kulturaren munduan jazo ziren, eta %28 kirolean.

Hala Bedik eraso bakoitzaren deskribapen fitxa argitaratu du lotura honetan.

Gehituren deialdia

“Ez dugu ahaztu behar LGBTIfobia gehien hedatuta dagoen gorroto-moduetako bat dela eta 70 herrialde baino gehiagotako zigor-kodeetan instituzionalizatuta dagoela eta zigor-kode horietan genero-orientazio, -identitate eta -adierazpen desberdinen arau errepresoreak biltzen direla. Hori guztia, ahaztu gabe herrialdeek gaur egun ere aurreikusten dutela LGTBI kolektiboari heriotza-zigorra aplikatzeko aukera, baita kolektibo horrek herrialde askotan aurre egin behar dien gorroto-krimen kontaezinak ere”, adierazi du prentsa-ohar bidez Gehitu gay, lesbiana eta transexualen elkarteak.

Eremu nazionalean ere jarri du begirada gehituk: “Ezin dugu aipatu gabe utzi gure inguruan oraindik ere badaudela jatorrian sexu-aniztasunaren eta genero-aniztasunaren aurkako gorrotoa eta intolerantzia duten delituak”.

Horregatik guztiagatik, Gehitu elkarteak deialdi bat egin du maiatzaren 17an LGTBI+ kolektiboari eragiten dioten arazoak agerian jartzeko, eta  “LGTBIfobiaren aurkako borrokan modu eraginkorrean laguntzen duten ekimen guztiak –lege-arlokoak nahiz pedagogia sozialeko eremukoak– antola daitezela” eskatu dute.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: LGBTI

LGBTI kanaletik interesatuko zaizu...
2018-10-26 | Amaia Lekunberri
Generoa genitalek zehazten duten kondizio biologikotzat xedatzeko asmoa agertu du Trumpen Gobernuak

AEBtako Gobernuak generoaren definizioa gizon eta emakume terminoetara mugatu nahi du, eta genitalek zehaztutako kondizio biologiko gisa xedatu. Helburu horrekin aurkeztu du lege proposamen bat, New York-eko (AEB) hiriak jaiotza-ziurtagirientzat genero neutroa ezarri eta gutxira.


Irakasleak armairutik ateratzea, ikasleentzat mesedegarri

Norbere identitatea natural bizi eta ikusgarri egiteko beharretik harago, beste arrazoi inportante bat ere aipatzen dute ikastetxean armairutik ateratzea erabaki duten LGTB irakasleek: eskolako curriculumetan aniztasuna oraindik hain hutsala denean, erreferente bihurtzen dira bakarrik sentitu daitekeen LGTB ikaslearentzat eta oro har ikasle guztientzat, eta bullyinga murrizteko lagungarria da.


2018-09-14 | Kate Davis
Stonewall-eko istiluak
MULTIMEDIA - dokumentala

Stonewall-eko istiluak 1969ko ekainean gertatu ziren New York hirian: LGTB mugimenduaren pizkunde politikoaren ikurretako bat dira. Harrotasunaren Eguna ospatzen da gaur egunean mundu guztian haren omenez. Dokumental honek lekukotasun eta garaiko irudiekin ilustratzen du gertatutakoa, eta orduan Estatu Batuetan bizi zen giroa. Gertakari haiei riots esan ohi zaie historian (istiluak), baina dokumentalak uprising edo altxamendu hitza hobesten du, eta ondo ulertzen da hori ikusten... [+]


Homosexualitatea despenalizatu du Indiako Auzitegi Gorenak

Lege koloniala bertan behera utzi dute ziurgabetasunezko hamarkadak eta gero.


2018-08-29 | ARGIA
Bederatzi urteko ume batek bere buruaz beste egin du AEBetan, eskolan homosexuala zela aitortu ostean

Bere semearen heriotzaren atzean eskolan jasaten zuen bullying homofoboa zegoela ziurtatu du mutikoaren amak, hainbat hedabide estatubatuarrek jaso dutenez. Polizia kasua ikertzen ari da.


"Euskal Herrian bakarra nintzela pentsatzea". Heterosexual ez direnen bizipenek hartu dute Twitter

“Gizonezko nire bikotekidea gaixo jartzea eta ospitalean ezin bisita egitea, bere familiak ez dakielako beste gizon batekin dagoela maiteminduta”, dio Álvaro Cuencak. “13 urterekin klaseko batek ‘zergatik hitz egiten duzu nesken moduan?’ galdetzea eta luma zer den ikastea (orduan izenik jartzen ez nion arren) eta nintzena ezkutatu behar nuela barneratzea” kontatu du Garu jat izena erabiltzaileak. #MeQueer traolapean, norbere bizipenak kontatzen ari da... [+]


Munillari eskainitako muxukada kolektiboa deitu dute Harrotasun Egunerako

LGBTI Harrotasun Egunaren harira, ostegun honetan manifestazioa antolatu du Donostiako TransMarikaBollo+ kolektiboak eta geldialdia iragarri du Artzai Onaren parean. “Ez dagoelako jainkorik gure plazera ospatzen ez duenik! Munilla, deabrua zure bila” lelopean, muxukadara animatu dute jendea.


2018-06-27 | Bizkaie
E28 koordinadorak beraien aldarrikapenen merkantilizazioa salatu eta mobilizatzera deitu du

Bi manifestu plazaratu ditu asteartean E28 koordinadorak. LGTB+ kolektiboko emakumeen borroka gogoratzen du lehenengoak; ekainaren 28ko ekitaldien merkantilizazioa salatzen dute bigarrenarekin.


2018-06-26 | Hala Bedi
Ekainaren 28a, 2019ra modu serioago batean begira

Stonewalleko istiluen 50.urteurrenerako urtebete falta denean, Ekainaren 28ko koordinadora sortu da Gasteizen eta asanblada ezberdinak egin dituzte azken hilabeteetan. Aurtengo manifestazioari “kutsu serioagoa” emango diote, baina jaiaz gozatzeko aukera egongo da.


Eduki homofobo eta matxistak Osakidetzako oposizioetan

Gehitu elkarteak salatu du eduki LGTBIfobiko eta matxistak dituen liburu bat dagoela Osakidetzak bere Enplegu Publikorako Eskaintzan proposatu duen bibliografian. Bertan adierazten da, adibidez, homosexualitatea ez dela zerbait aldaezina, erasoak jasan ditzakeen emakumeak jakin behar duela “bere gorputzaren bidez zein mezu helarazten dion bikotekideari”, edota “itxura fisikoarekiko kezka” dela “emakumeen ahulguneetako bat”.


Azkenak
EGILEA
Eguneraketa berriak daude