Erabakiak osasun zerbitzurik gabe utzi ditu milaka familia brasildar txiro, eta beste hainbeste familia kubatar diru-iturri nagusirik gabe.
2013an sortu zen Más Médicos proiektuaren helburua da Hego Amerikako familia txiroen osasun zerbitzua bermatzea, eta programak Brasilen du parte-hartzerik handiena. 18.000 mediku ari dira lan horretan Brasilen, eta horietatik ia erdiak kubatarrak dira. Jair Bolsonarok, baina, ez du begi onez ikusten Estatu Kubatarrak proiektu honetan duen jarduna, eta momentuz erabaki du mediku kubatarrei ez ordaintzea –batzuk jada bidali ditu herrialdetik–.
“Kuba negozio horretatik bizi da”
Bolsonarok, diputatua zela, 2016an Estatu Kubatarra salatu zuen Más Médicos programa dela-eta. Gobernu brasildarrak 3.300 dolar ordaintzen dizkio Kubari mediku bakoitzaren lanarengatik, baina Bolsonaroren esanetan %30a soilik da langilearentzat eta gainerakoa Gobernuak hartzen du.
“Kuba negozio horretatik bizi da”, dio presidenteak. Nazioartean 55.000 mediku ditu 67 herrialdetan banatuta, guztiak horrelako elkarte, proiektu edo formakuntzetan. Ez dela “bidezkoa” eta “neurriak” hartuko dituela adierazi du Bolsonarok.
Neurri horiek 2019. urtean iritsiko dira, presidentetza erabat hartzen duenean. Oraingoz, 3.000 mediku kubatar bidali ditu herrialdetik, orotara diren 8.332etatik.
Herritarren agur hunkigarriak
Bolsonarok mediku kubatarrak Brasildik bota ostean, pazienteak bideo hunkigarriak sareratzen ari dira.
Bertan ikus daitezke herritarrak medikuei beren lanagatik eskerrak ematen eta agur esaten.
Bozo: "eles não são médico, absurdo as pessoas serem atendidas por esses terroristas"
— Jovens Reacionários (@jovensreacinhas) 2018(e)ko azaroaren 24(a)
MBL: "a medicina cubana é um lixo"
CFM: "cubanos são desqualificados, temos médicos pra atender todas regiões do Brasil"
Enzo, 16, ancap, Jardins: "agentes da ditadura cubana" Povo: pic.twitter.com/rvbPyrH3Rv
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Amazoniako lurrak demarkatu eta indigenenak direla aitortzeko muga gehiago jarriko dituen legea onartu du Brasilgo Kongresuak. Luiz Inácio Lula da Silvaren gobernuak legea kritikatu du eta "araututako genozidio" bat dela esan du. Indigenek hainbat egun daramate... [+]
Amazonia, 1928. Ford automobil konpainiak Fordlandia izeneko herria eraiki zuen oihanean, Amazonasen ibaiadar Tapajosen ertzean.