2021eko ekainean ospatuko da Euskal Eskola Publikoaren Jaia
2020an ez da jai presentzialik egingo, baina jai birtuala ospatuko dute ekainaren 7tik 12ra. Aurten ospatzekoa zen Euskal Eskola Publikoaren Jaia 2021eko ekainean izango da, Bastidan.
Euskal Herriko Ikasleen Gurasoen Elkarteak (EHIGE) iragarri duenez, 2021eko ekainaren 6an ospatuko da Bastidan aurten ospatzekoa zen Euskal Eskola Publikoaren Jaia.
Aukerak aztertu ondoren eta datorren ikasturtearen hasieran izango dituzten erronka berriak kontuan izanik hartu dute "erabaki zail hau". Eskola publikoaren ospakizuna bertan behera gelditzen den aurreneko aldia da 29 urtetan.
Hala ere, ospakizunik ez da faltako aurten, eta jai birtuala antolatzen ari dira ekainaren 7tik 12ra, Euskal Eskola Publikoaren Jaiaren urteroko hitzordua mantentzeko asmoz: ekainaren 7an, agurrak eta sorpresak egongo dira; eta ekainaren 8tik 12ra, arratsaldero, euskarazko jarduera bat eskainiko dute internet bidez.
"Konfinamenduan ikasle asko sufritzen ari diren euskararen galerari aportazio xume bat egin nahi izan diogu euskarazko kalitatezko kultur-saioak euren esku ipiniz astean zehar", azaldu dute ohar bidez. Era berean, euskal kulturgileak sufritzen ari diren galerari "aportazio xumea" egin nahi izan diote ere.
Datorren ikasturtean berriz ere ekingo diote Bastida eta Arabako Errioxako ikastetxe publikoen lana aitortzea helburu duen Euskal Eskola Publikoaren Jaiaren edizioari: "Egoerak baimentzen duen heinean, ikasturtean zehar egingo ditugu jarduerak".
Ikasleak, gurasoak, euskalgintza, sindikatuak… Kritiko direnak eta mobilizazio deialdiak pilatzen ari zaizkio EAEko Hezkuntza Legearen aurreproiektuari. Bi arlo dira polemikoenak: sare publiko eta kontzertatuak legean izan behar duten rola; eta euskarak irakaskuntzan izan... [+]
Euskal Herriko Ikasleen Gurasoen Elkarteak (EHIGE) artikulu honetan jakitera eman duenez, Eusko Jaurlaritzak EAEko ikastetxeetako jantokietarako argitaratu dituzten pleguak "caterin-enpresa handientzat pentsatutakoak dira". Alderdi pedagogikoan "ez dagoela... [+]
Euskal Herriko Ikasleen Gurasoen Elkartea da EHIGE eta Gure Platera, Gure Aukera ekimenaren bidez eskola jantokietan elikadura osasuntsuago eta jasangarriagoa sustatzen du. Martxoaren 27an online Topaketa antolatu du, eskola jantokien egungo egoeraren informazioa emateko,... [+]