"2020.urtea: Ahaztu dugu Hondakinen %50 birziklatu behar direla?" mintegia antolatu du UEUk

  • Udako ikastaroen egitarauaren barruan, mintegi interesgarri hau iragarri du ostegunerako –uztailak 16– Udako Euskal Unibertsitateak: "2020.urtea: Ahaztu dugu Hondakinen %50 birziklatu behar direla?". Eibarko Maskerkua jauregian buruko dira hitzaldiak goizeko 10:00etan hasita.


2020ko uztailaren 15an - 13:15

Ostegunean, uztailak 16, hondakinen kudeaketan zentratuko da UEUk Eibarko egoitzan antolatutako mintegia, antolatzaileen esanetan ekologia, jasangarritasuna, hondakinen kudeaketan parte hartzen dutenei zuzendua: "2020.urtea: Ahaztu dugu Hondakinen %50 birziklatu behar direla?". 

Honela azaldu du UEUk osteguneko eskaintza: "Klima aldaketa, negutegi-efektuaren ondorio bat da, beraz negutegi-efektua sortzen dituzten gasak aztertuko ditugu, CO2 gehikuntza, sektoreek duten garrantzia, eta horretan noski hondakinen kudeaketak eta tratamenduak duten ekarpena.

Hondakinak aztertzerakoan etxeko hondakin solidoei begira jarriko gara. Zenbat hondakin sortzen dugu egunero? Hondakinak, jerarkiak, zenbat da konpostagarria?, non eta noiz da hondakina edo lehengaia?. Ze helburu bete behar ditugu 2020rako?

Hondakinak erreko bagenitu material solidoa desagertuko litzateke eta halaber energia berriztagarria eskuratuko genuke. Gezur hutsa dena baina sarri entzuna. Zer da erraustegi bat? Zabalgarbi eta Zubieta. Zer erretzen dute? Energetikoki ikusita errentagarriak dira? C H O Cl N P Fe Al W batera 700Ketan erretzen ditugunean , hau da, hondakinak erraustegiko labean, zer irteten da tximiniatik? Bakarrik CO2 eta ura?. Arrenhius, katalizatzaileak, dioxinak eta furanoak, bioakumulazioa.

Konposta. Bere ondorio eta onurak. Konpostagarria den hondakinen zatiarekin konpostatuko bagenu, zenbat CO2 bota gabe?"

Irakasleak eta jorratuko dituzten atalak, honakoak dira:

Leire Ruiz (UPV/EHUko doktorea kimika fisikan): Berotegi-efektua, beharretik arazora.

Daniel Zuazagoitia (Doktorea kimika analitikan. UPV/EHUko Magisteritza eskolakoa): Hiri hondakin solidoak.

Gorka Bueno (UPV/EHUko doktorea Goi ingenieritzan): Erraustegiak.

Sonia Arrasate eta Eneritz Anakabe (UPV/EHUko irakasleak, Doktorea kimika organikan): Dioxinak eta Furanoak.

Natxo Irigoien (Doktorea Nafarroako Unibertsitatean): Etxeko biohondakinen konpostajearekin bueltaka.

 


Kanal honetatik interesatuko zaizu: Hondakinen kudeaketa
Plastiko-fabrikatzaileek iruzur egin dutela erakusten du txosten batek

Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.


Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


Aierdik dio Artaxoan ez zela jaso behar Gipuzkoatik zetorren inongo hondakin likidorik

Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]


Eguneraketa berriak daude