1936ko gerrako hobi komun bat izan daitekeen hilobi bat aurkitu dute Zornotzan
Gogora Institutuak hainbat pertsonaren gorpuzkiak dituen hilobia aurkitu du Zornotzako (Bizkaia) hilerrian. Hobitik ateratzeko proiektu bat jarriko du abian, 1936ko gerrako hainbat borrokalariren hobi komuna izateko aukera dagoelako. Gogorako teknikariek zehaztu beharko dute hobian gudari batzuen gorpuak dauden ala ez eta nola hil ziren.
Eusko Jaurlaritzaren Lakuako gobernuaren mendeko Oroimenaren, Bizikidetzaren eta Giza Eskubideen Institutuko iturriek baieztatu dute oraindik ez dagoela "xehetasun askorik", baina "lehen zundaketa" egin dela herriko hilerriaren ondoan, eta giza aztarnak daudela egiaztatu da, Naizek informatu duenez.
Igandean Radio Euskadiren elkarrizketa batean, Aintzane Ezenarro Gogora Institutuko zuzendariak esan du 1936ko gerrako hiru edo lau borrokalari izan daitezkeela. "Agirre lehendakariaren Eusko Jaurlaritzaren txanpon batzuk ere aurkitu dira", azaldu du. Gudariak frontean hil zirela uste da, eta ondoren han lurperatu zituztela. Ezenarrok ziurtatu du haiek identifikatzen eta familiei itzultzen saiatuko direla.
Gogora Institutuak azken urteetan egindako 46 desobiratzeetan 110 pertsonaren gorpuzkiak berreskuratu ditu, 1936ko gerran desagertutako pertsonak identifikatzeko asmoz. Horietatik 27 identifikatuta daude eta familiei eman zaizkie. Gainerakoak Elgoibarko (Gipuzkoa) Duintasunaren Kolunbarioan eta hobi komunak dauden udalerrietako hilerrietan daude.
Australiako ipar ekialdean dagoen Jiigurru uhartean duela 2.000-3.000 urteko zeramika zatiak aurkitu dituzte James Cook unibertsitateko eta Australiako Ikerketa Kontseiluko kideek. Australian orain arte aurkitutako zeramika arrastorik zaharrenak dira. Arrastoen azterketa... [+]
Erroma, K.a. 443. Lehenengoz zentsoreak aukeratu zituzten. Handik bi mendetara Errepublikako magistraturarik garrantzitsuena izango zen zentsurarena. Bost urtean behin bi zentsore aukeratzen zituzten, kontsul izandako senatarien artean.
Erantzukizun handiko kargua zen:... [+]
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Toledo, 1272-1280. Alfontso X.a Gaztelakoak Ama Birjinari eskainitako 427 kanta monodiko bildu zituen. Santa Mariaren Kantigek Erdi Aroko musika eta literatura bildumarik garrantzitsuenetakoa osatzen dute, baina, kantiga miniaturaz apainduta daudenez, ilustrazio horiek beste... [+]