1.723 etxegabetze egin dituzte Barakaldon Amaia Egañak bere buruaz beste egin zuenetik
Azaroaren 9an zortzi urte bete dira Amaia Egañak bere buruaz beste egin zuela, etxegabetua izateko zorian zenean. Berri Otxoak taldeak salatu du geroztik Barakaldoko 1.723 familia bota dituztela etxetik, bataz beste lau astean.
Berri Otxoak taldeko Juan Carlos Becerraren adierazpen hauek jaso ditu El Saltok: “Etxe kaleratzeak ez dira kasualitatea, laguntza sozialetan egindako murrizketen ondorio dira eta Barakaldon alokairu sozialerako politika errealik ez egotearen ondorio ere bai".
Lehen hipoteka ordaindu ezin zutenak, orain alokairua ordaindu ezin dutenak
Aurreko krisi ekonomikoan hipoteka oso handiak ordaindu ezin zituzten herritarrak etxegabetzen zituztela azaldu dio Becerrak El Saltori, baina orain, alokairua ordaindu ezin dutenak direla kaleratutakoen %83. "Hori prekarietatearen eta eros ahalmenaren jaitsieraren erakusle da". Aldiz, alokairuen prezioak gora egin du Barakaldon azken zortzi urteotan: 2012an 630 euroan zeuden eta egun 790ean. Eta langabezia bikoiztu egin da hiri honetan: 2008an 3.269 barakaldar zeuden langabezian eta egun 7.628.
Honegatik guztiagatik, alokairu sozialak sustatzeko eskatu dio Berri Otxoak taldeak Barakaldoko Udalari.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
