110.000 lagunek bisitatu dute Durangoko Azoka, 7,2 milioi euroko eragin ekonomikoa utziz

  • Amaitu da Durangoko Azokaren 52. edizioa. 110.000 bisitari izan dira sormenaren lurraldeak  eta 7,2 milioi euroko eragin ekonomikoa izan du, bisitari kopurua eta bakoitzak zer nolako gastua egin duen kontuan hartuta. Hurrengo urtean lehen aldiz emango dute Sormen Beka.


2017ko abenduaren 11n - 12:44

Balorazio positiboa egin dute antolatzaileek: Leporaino beteta egon da Landako bost egunez, baita gainontzeko guneak ere. Azoka birtualak ere marka guztiak hautsi ditu, 8.200 bisita lortuz egun bakar batean, abenduaren 6an. Ostegunean ospatu da ikasle eguna, aurreko edizioetan ez bezala, bigarren egunean, eta jendearen profilari begiratuz gero, “bereziena” izan dela esan dute Gerediaga Elkarteko kideek. Asteazkena izan da egunik jendetsuena. Igandea, aldiz, lasaiena.

Gunei dagokienez, jendearen ibilia “nabaria” izan dela adierazi dute antolatzaileek. “Bakoitza bere arloan erreferente bilakatzen ari da”. Horren adibide da Ahotsenea: hamar urte bete ditu eta aurten ere, jendetza hurbildu da zuzeneko emanaldiez gozatzera. Berri Txarrak taldeak larunbatean eman zuen kontzertua horren adibide argia da: gune barruan bezain beste lagun gelditu zen Ahotsenera ezin sartuta. Solasaldien gunean ere “izugarrizko harrera” izan dute emakumeek idatzitako liburuen aurkezpenek, batez ere feminismoari lotutakoek.

Aurtengo Azokaren ekarpena handia izan da, hainbat aldetatik begiratuta. Askotariko sortzaileak egon dira, kultur-lanak ugariak izan dira eta gogoeta aberatsak utzi ditu. Datu ekonomikoei erreparatuta ere, Durangoko Azokak honako estimazioa egin du: aurtengo edizioak 7’2 milioiko ekarpen ekonomikoa izan du. Landakon parte hartu duten argitaletxe, diskoetxe eta gainontzeko eragileek aditzera eman dutenez – behintzat Azokako antolakuntzak jaso dituen iritziak –, aurtengo edizioan asko saldu da: kasu batzuetan edizioak agortu dira, eta badira aurreikuspenak gaindituta bueltatu diren erakusketariak.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Durangoko Azoka 2017
Azken eguna Azokan
Imajinatu ezin dena egiteaz

Orain zail egiten da imajinatzea Azoka hura, artistek beren lanak erakusteko espaziorik gabekoa, bisitariari eduki askoz gutxiago eskaintzen ziona. Orain ezagutzen dugun Azoka hau orduan imajinatzea bezain zaila, gutxi gorabehera.


4. eguneko kronika
Amerika deskubritzen

Azokaren azken aurreko egunera iritsita, pixka bat “Azokatuta” gabiltzala esateko moduan gaude. Problema, hain justu, artzainen kontrakoa da hemen: bakoitzak urte osoa bere kasa igaro ondoren, bat-batean jendez inguratuta ikusten duela bere burua pabilioi honen... [+]


2. eguneko kronika
Gazteekin obsesionatuta bizi den kultura hau

Gazteak: ezezagun handi hori. Zer pasatzen da gaur Azokako pasillo guztietan barrena zebiltzan izaki horien buruetatik? Nola iritsi dira hona? Zer bilatzen dute? Euskal kulturaren obsesioetako bat dira.


2017-12-07 | ARGIA
Gazteak izango dira protagonista Durangoko Azokako bigarren egunean

Durangoko Azokak urtero gordetzen du egun bat gazteak euskal kulturara erakartzen saiatzeko. Aurten osteguna da egun hori eta egitaraua ikasleei zuzenduriko jardueraz beteta dator.


Eguneraketa berriak daude