Jasaten ari den isolamendu-erregimena salatzeko ekin zion gose grebari Cospitok. Erroman, presoarekin elkartasunez, protestak izan ziren larunbatean, eta 40 pertsona atxilotu zituzten polizia-indarrek.
Sardiniako Sassariko kartzelan daukate gatibu Alfredo Cospito anarkista. Duela hiru hilabete baino gehiago, iazko urriaren 20an, gose greba bat hasi zuen, ezarria dioten isolamendu-erregimenaren kontra protesta egiteko. Iazko maiatzean sartu zuten Italiako 41-bis erregimenean (Espainiako Estatuan FIES erregimena deiturikoaren antzekoa), eta, ordutik, "kartzelaren barruko kartzela" batean bizi da. Egunean bi orduz baino ez diote uzten aire librean egoten, ia erabat debekatu diote kanpo-kontaktua izatea (hilabetean bisita bat baino ezin du izan, eta beira handi batek bereizita), eta konfiskatze sistematikoak egiten dizkiote. Horiek dira 41-bis erregimenak berekin dakartzan baldintzetako batzuk.
Cospitok zazpi hilabete inguru zeramatzan isolamenduan gose grebari ekin zionean, eta 102 egun bete ditu jada baraualdian. 40 kilo galdu ditu, eta elektrolitoak falta zaizkio odolean. Elektrolito kopuruak jaisten jarraitzen badu, ondorioak jasan ditzake bizi-organoetan.
Aurreko larunbat gauean, Cospitori elkartasuna adierazteko eta bere egoera salatzeko protestak izan ziren Erroman. Polizia-indarrek 40 manifestari atxilotu zituzten.
2014. urtean espetxeratu zuten anarkista, 2006an ekintza batean parte hartzea leporatuta. 20 urteko kartzela-zigorra ezarri zioten.
Bartzelona, 1902ko abuztuaren 1a. Lola Iturbe Arizcuren anarkista eta feminista aitzindaria jaio zen. CNTko kidea eta Mujeres Libres erakundeko sortzaileetako bat, 1936ko Espainiako Gerra amaitzean Frantziara alde egin zuen eta han Erresistentzian parte hartu zuen. Franco... [+]
Voltairine de Cleyre (1866-1912) XX. mendeko mugimendu anarkista eta feministako emakume garrantzitsuenetariko bat izan zen, Emma Goldmanekin batera. Feminismoa boto-eskubidearen aldeko borrokara mugatzen zen garaian, Cleyrek bide berriak ireki zituen eta gaur eguneraino iraun... [+]
Poltsatik objektuak atera ahala, hitzaldira gerturatutako pertsonen begirada arretatsuaren pean ari da horiek kokatzen hizlarietako bat. Ur botila eta mukizapi pakete bat bazter batean, eta parez pare, distantzia dezentera, fruitu lehor poltsa eta hortzetako eskuila. Erdian,... [+]
Sergio Balchada Outeiralek liburua argitaratu du Gerra Zibilean alde errepublikarrean borrokatu zuten galiziarrei buruz. Horietako asko Amurrion egon ziren, Bakunin Batailoian. Bere presentziak amurrioarren arreta erakarri zuen, praktikatzen zuten ateismoak talka egiten baitzuen... [+]
“Ez etxerik gabeko jenderik, ez jenderik gabeko etxerik” irakur daiteke Kanaria Handiko Maizterren Sindikatuaren (Sindicato de Inquilinas de Gran Canaria, SIGC) webguneko goiburuan. Kolektiboa 2017an sortu bazen ere Kanaria Handiko Federazio Anarkistaren (FAGC)... [+]