Jaun txit gorenari
Mutil dantza ez da mutilena. Dantza ez da mutilena. Bada bat, inguru hauetan, neskak dantzan ikustean mintzen dena. Maskarada egunez, barrikada etxe aitzinean plantatua badu ere, etxetik ateratzen ez dena. Emazteak dantzan ari direlako egiten du protesta ixila. Hondarribiko alarde mistoak parean duen plastiko beltza bezalakoa da, baina bat da, pertsona bakarra. Xiberoko dantzak neskei esker biziraun zuela onartu bai, baina ez ditu plazan dantzari ikusi nahi. Eta baditu bere arrazoiak, ni bezalako inkulto-axolagabeek ezin ditugunak endelegatu.
Berriki lagun batek iseka egin zion, erranez aurtengo pastoralean gehien maitatu zuena nesken dantzak zirela. Ez dakit trufaka ari zen edo zinez hala pentsatzen zuen, baina ordainean, lagunak telefono dei bat jaso zuen berantago, pertsona hain ilustre horrek bi muturreko emateko gogoa ukan zuela erran nahi ziolako. Eta telefono kabletik pasa ziren bestelako mehatxuak. Lagunaren euskara mailaz kritikak. Hoa euskara ikastera. Herra.
Batzuk, kulturalki hain bizia den herrialde honetan, jaun txit gorenak dira. Ez dut izenik botako, Kabanaren estiloan, aipatua denak soilik bere burua ezagutu dezan. Eta jakin dezan (dezaten) hemen ere badirela alarde mistoaren aldekoak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
"Zenbatek egingo du euskaraz 2075. urtean?”. Izenburu asaldagarria du Kike Amonarrizek prentsan berrikitan argitaratu duen artikuluak. Euskal Herrian baino lehenago, galdera halakotsua egin dute Katalunian. Joan M. Serraren L’ús parlat del català... [+]
"Ekin eta jarrai" da Euskaltzaindiaren goiburua. Ez dakit Akademia zergatik ez zuten ilegalizatu, hiru berba horiek agertuta bere logotipoan. Gutxiagorekin egin dira salaketak-eta (adin batekook La orquesta Mondragón-en kasetearena gogoan dugu, Martxoaren 11ren... [+]
Lotsa ahitzen ari ote zaigu? Horixe da egungo hainbat autoreren diagnostikoa. Ez da existitzen, jada, lotsarazi ahal gaituen begiradarik? Bestelakoa zen Jean-Paul Sartrek, 1943an, lotsaren inguruan deskribatutakoa: sarrailaren beste aldean, begia giltzaren zirrikituan itsatsita,... [+]
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
Domeka euritsu honetan, arduraz bizi dugu munduan dauden gatazka askotarikoak direla ezinegonean bizi diren pertsonen zoria. Urrunetik, badirudi boterera jokatzen duen hainbat agintariren eskuetatik ezin garela askatu. Beti bere burua babestu behar duen susmoarekin bizi da... [+]
Irailaren lehenetan, hasierak, nobedadeak eta estreinaldiak: estutxe eta koaderno berria, izena emandako ikastaro edota ekintzetarako taldekideekin lehen enkontrua, aktibitate emanaldi eskaintza oparoa publizitate orrietan edonon, ikasturtearen agenda betetzeko, nork berea... [+]
Ama da, Perukoa, eta ezingo luke euskara zerotik ikasten doan hasi, egunkarietan irakurri dugun moduan (gezurra zen): hemen agian bai, gurean udalak bermatzen duelako eskubide hori (Hernani). Etortzen bazait ikasturtea amaitutakoan (etorri zaizkidan moduan), alabarekin udan zer... [+]