Urratsik ez egitea leporatu diote euskal ordezkariek Frantziari

  • Parisen euskal presoen auziaz hitz egiteko bildu ziren asteazkenean Ipar Euskal Herritik joandako ordezkaritza eta Frantziako Justizia Ministerioko kideak. Bakearen artisauek frantziar gobernuak urrats konkreturik ez egitea deitoratu dute.

ARGIA @argia
2017ko abenduaren 28a

Prentsa ohar bidez azaldu dutenez, bilkura horretan ez dute sumatu aldaketarik bereziki zainduak diren DPS estatutua ezartzen dieten presoen inguruko politikarekiko. Zentzu horretan, preso bakoitzaren egoera aztertzeko eskatu diote bakegileek Justizia Ministerioari.

Nolanahi ere, espero dute "epe laburrean" egongo direla urratsak euskal presoak Mont de Marsan eta Lannemezango espetxeetara hurbilduak izan daitezen, horretarako Frantziako Ministerioak ez baitu "printzipio kontrajarririk" ikusten. Era berean, presoei DPS estatutua kentzeko bidean pausoak ere espero dituzte.

 

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
Graduz aldatzeko aukera ukatu dio Espainiako Auzitegi Nazionalak preso bati lehenengo aldiz

Auzitegi Nazionalak bigarren gradurako aldaketa ukatu dio Kordobako kartzelan preso dagoen pertsona bati, eta lehenengo graduan mantendu du.


500 lagun mobilizatu dira Donibane Lohitzune eta Baiona artean BAGOAZ kolektiboak deiturik

Ion Parot, Jakes Esnal, Xistor Haranburuk eta Unai Paroten espetxeratzea salatzeko, 500 lagun mobilizatu dira Donibane Lohitzune eta Baiona artean BAGOAZ kolektiboak deiturik. Lehen hirurek bizi osorako presondegi kondena dute Frantzian eta azkena 40 urtera kondenatu du Espainiak.


2018-04-17 | Urumeako Kronika
"Izugarri handitu dira abokatu eta mediku gastuak, eta ezin ditugu senideen esku utzi"

"Kinkea" egitasmoaren bigarren produktua jarri du salgai Etxerat elkarteak, presoen asistentzia juridikoa eta osasun asistentzia bermatzeko. Ostegunean aurkeztuko dute, 19:00etan Hernaniko Biteri kultur etxean.


2018-04-16 | ARGIA
Mikel Antza euskal presoa jipoitu dute Réauko kartzelan

Mikel Antza euskal preso donostiarra ingresatuta dago Réauko kartzelan beste preso batek “jipoitu” ostean. Ezkerreko besoko kubitua apurtuta eta betondoan zauria dituela jakinarazi dute gertukoek, Berriak jaso duenez.


2018-04-10 | ARGIA
BIDEOA | Sara Majarenasen ongi etorria jendetsua Intxaurrondon

Sara Majarenasi ongi etorria egin diote Donostiako Intxaurrondo auzoan. 13 urte egin ditu espetxean.


2018-04-09 | ARGIA
Sara Majarenas presoa aske atera da, espetxean 13 urte pasa ostean

13 urteko espetxealdia amaiturik, aske geratu da Sara Majarenas euskal preso politikoa. Haren izenak oihartzun handia eduki du iazko urtarrilean bi urteko alaba labankadaz bere aitak larriki zauritu ostean.


2018-04-06 | ARGIA
Beste bi euskal preso gerturatu ditu Frantziako Estatuak

Arkaitz Agirregabiria eta Iurgi Garitagoitia euskal preso politikoak Lannemezango espetxera lekualdatu dituzte, Etxeratek jakinarazi duenez. Agirregabiria Fresnesen zegoen preso, 930 kilometrora, eta Garitagoitia Poissyko espetxean, 950 kilometrora.


2018-04-05 | ARGIA
Andaluziako Puerto III espetxean hilabete bakarrean hiru preso hil direla salatu dute

APDHA Andaluziako Giza Eskubideen Aldeko Elkarteak ikerketa bat eskatu du Cadizko espetxeetan gertatzen ari diren heriotz ugariak direla eta. Lurralde hartan martxoan bakarrik lau pertsona hil dira espetxeetan, horietatik hiru Puerto de Santa Mariako Puerto III espetxe tristeki ezagunean, zeinetan galdu baitzuen bizia Xabier Rey preso iruindarrak.


2018-04-05 | Hala Bedi
Dispertsioak eragindako urteko hirugarren istripua salatu du Etxeratek hiriburuetan

Dispertsio politikak Ibon Goieaskoetxea euskal preso politikoaren senideen istripua eragin zuen Aste Santuan. Elkarretaratzeak egin ditu Etxerat Elkarteak hiriburuetan.


2018-04-04 | ARGIA
TattooArtean ekimena aurkeztu dute, espetxeen aurka eta euskal preso politikoen alde

Apirilaren 12, 13 eta 14an TattooArtean ekimena egingo dute Artean, Bizkaian. Bailara horretan bizi diren herritarrak ari dira antolatzen, jakinarazi dutenez, asanblada irekiaren bidez. "Egiten ari garen lana guztiz militante eta boluntarioa da, presoek kartzelan eta ihesean bizi duten egoera islatzera bideratuta dago dena, eta haiei elkartasuna era ezberdinetan adieraziko diegu". Lortuko den diru guztia euskal preso, iheslari eta errefuxiatuarentzat izango da.


Azkenak
EGILEA
Eguneraketa berriak daude