Tolosako Ekinbide Etxeari (CIT) diru-laguntzak kendu dizkio Kutxabankek, hainbat proiektu ataka estuan jarriz. Topic da gehien kaltetutakoa.
Elena Basagoitia Ekinbide Etxeko zuzendaria elkarrizketatu du Gara egunkariak. Ulerkor azaldu da murrizketekin, baina “gerrikoa gehiago estutu ezinik” dabiltzala dio. Alegia, krisi garaian dirua gutxitu dela ulertzen duela, baino ezin diotela galera gehiagori aurre egin.
Zentroa “bizirauten” ari dela zehaztu du, eta hurrengo urtera begirak gauzak “zail” ikusten ditu. Abenduan jakingo du Kutxabanken babesa izango duten edo ez.
Bitartean, EH Bilduk testu bat onartu du Kultura Batzordean Txotxongilo Zentroaren alde. Instituzioei dei egiten die “konpromisoak” mantentzeko eta Kutxari 2014ko diru banaketetan gunea kontuan izan dezan eskatzen dio.
Zenbaki-dantza
Topiceko kasua zenbakiei begira ulertzen da errazen. Kutxak 68.923 euro eman zizkion 2010ean eta 2011n, 40.000 baino ez.
Era berean, Kutxabankek CITi 150.000 euro egokitu zizkion, 2010-2011 ikasturtean; 2012an gutxitu zuen, eta 2013an kendu. Hala CITi kentzeak, Topic-i ere eragin zion, ezinbestean.
Baina arazoa ez da bakarrik diru-laguntza hori ukatzea. Lakuaren sostenguak ere behera egin du. 300.000 eurotik 125.000 eurora pasa da hiru urteren buruan.
Gainera, Espainiako Kultura Ministerioaren partetik jasotzen zutena ere nabarmen urritu dute. 2011an, 100.000 euro inguru eman zizkien; 2013an, 35.000 euro gutxiago, hau da, 65.000 baino ez.
Insituzio guztiak kontuan hartuta, 2010etik Topicen aurrekontua %50 murriztu dute osotara.
Nazioarteko saria eta ikusle mordoa
Panorama ekonomiko zailaren aurrean, gunearen arrakastak gora egin du. Aurtengo maiatzean Hezkuntza eta Museoen saria jaso zuen Iberoamerikako Museoen Behatokiaren eskutik.
Horrez gain, egunerokotasunean etengabeko lanean ari dira bertako langileak: 401 ikastaro eskaintzen dituzte, eraikinean Donostia 2016ako bi proiektu garatzen ari dira, eta mundu mailako txotxongiloei buruzko webgune garrantzitsuena irekitzea aztertzen dabiltza.
Irekita dagoenetik, 50.000 bisitari izan dituela kalkulatzen dute.
Basagoitiak alarma deia egin du: “Egoera honetan denbora batez aguntatu dezakegu, baina ezin dugu luze horrela segi”.
Azken aukera asteburu honetan 'Inexa de Gaxen' pastorala ikusteko.
OSCARRA OSCARRENTZAT
AKTOREAK: Mikel Laskurain, Jon Plazaola, Oihana Maritorena eta Ane Gabarain.
PRODUKZIOA: LaMandanga Producciones, Txalo Produkzioak
NOIZ / NON: martxoaren 2an, Donostiako Antzoki Zaharrean.
Lehen aldiz ekainean antzeztu zuten Inesa de Gaxen pastorala, Bastidan (Nafarroa Beherea). Izan zuen arrakasta ikusita, xarnegutarrek irailean berriz biziberrituko dute Gaxengo Inesaren historia, irailaren 21 eta 22an, Bardozen (Lapurdi). 1.000 sarrera jarri dituzte salgai... [+]
Antzerkiaren labirintoan I
Ander Lipus
EHAZE eta Susa
---------------------------------------------
Ander Lipus antzerkigileak EHAZE eta Susarekin argitaratu ditu bere autobiografia teatrala eta antzerkiari buruzko argitalpenak. Antzerkiaren labirintoan I. Bitakora... [+]
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]