‘Lurrez estali’, laborarien errealitatea oholtzara eramango duen Axut! kolektiboaren obra berria
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko komunitatea eta tradizioak elkartzea" duelako xede.
Ehorzketa bat izango du abiapuntuan antzerkiaren istorioak. Nafarroa Behereko herrixka batean kokatuko da, uda betean. Ezkila, kabala eta zakurren zaunka giroan, mendien artean, leporaino zorpeturik dagoen etxalde zaharkitu batean, hain justu. Zorrak kitatzeko ahaleginak eta bi egingo ditu baserriko seme zaharrenak. Aita alargunari, zaharminez jana eta burutik ahul, alkoholak lagunduko dio egunerokoari heltzen. Arreba etorriko da haur eta senarrarekin uda pasatzera, zinegotzi kargua duen udalerritik etxaldera, bere sustraien bila eta familiari ahal bezala laguntzera. Ahizpa gazteago bat ere badute, zirtzilkerietan dabilena, idazle grina handikoa. Auzotar zaharrak, hiritik landa eremura salto egin duten bizilagun berriak, aurreiritzi ugari dituztenak... eta maizter bat ere egongo da tartean; dirua patrikan, baserria berrerostea helburu.
"Lurra, lurreko jendea, laborariak, gure kulturaren muinean daude. Laborariek antzerkian guti aipatzen diren eta oholtzetan guti ikusten diren jakintza eta jokabideak dituzte". Horrela hasten da Lurrez estali antzerki-obraren manifestua. Laborarien errealitatea islatuko du Axut! kolektiboaren obra berriak: "Lur bat ukaitearen zailtasuna erran (etxebizitzen prezioek laborantza-lurrak erosezin bihurtu baitituzte); lana, lotsa, umilazioa erran; eta jatorriaren harrotasuna, kabalak erran; eta lurraren kultura erran".
"Lana da egiatasunaren giltza", argiki dio Axut! kolektiboak: "Laborarien herena txirotasunak harrapatzen du, eta bi egunero nekazari batek bere buruaz beste egiten du. Munduko lanik ederrena dela erraiten bada ere, ezinbesteko ofizioa bada ere, eta gure kulturaren ohantzea baldin bada ere, zergatik ez diogu begietara begiratzen?".
Lan taldean gauzatu den sorkuntza
Landa eremuko jendearekin tratu estua egin du Axut! kolektiboak obra honetan. Haiengana gerturatu dira, eta haiek parte hartze zuzena dute antzerkian. Izan ere, zenbaitzuk oholtza partekatuko dute aktore profesionalekin; elkarlanaren eta kolaborazioaren adierazle. Antzerkilari taldearen hitzetan, ikusezin bilakatu diren gorputz eta arimak ikusgarri izanen dira espazio publikoan eta beraien intimitaterik zintzoena erakutsita.
Emanaldi guztiak Izurako Latsaga zalditokian eginen dira. Maiatzaren 31n lehena, ostiralez; eta ekainaren 16an azkena, igandez. Bitarte horretan, beste zortzi emanaldi: ekainaren 1ean, 2an, 4an, 7an, 8an, 9an, 14an eta 15ean.
Saio oro iluntzeko 20:30ean izanen da. Lekuak mugatuak direnez, erreserbak helbide elektronikora egiteko eskatu dute: tokiak@axut.eus.
ZUZENDARITZA: Ximun Fuchs
IDAZKERA: Ximun Fuchs
AKTOREAK: Ramon Agirre, Amaia Arbeletche, Aline Etxeberri, Manex Fuchs, Ximun Fuchs, Xumai Gorostiaga, Arantxa Hirigoyen, Maitexa Iriarte, Jean-Marie Irigoin, Miren Tirapu, Iñaki Ziarrusta, Oier Zuñiga.
ESZENOGRAFIA: Latsagako jauregia
JANTZIAK: Iasone Parada
KOREOGRAFOA: Philippe Ducou
ARGIZTAPEN DISEINUA ETA TEKNIKA: David Bernués, Danel Bernués, Iñaki Ziarrusta.
SOINU DISEINUA: Philippe Barandiaran
BIDEO SORKUNTZA ETA ARGAZKIAK: Eñaut Castagnet
DISEINU GRAFIKOA: Oier Zuñiga
EKOIZPENA: Iasone Parada, Argi Perurena
MEDIAZIOA: Arantxa Hirigoyen
KANPO BEGIRADA: Ander Lipus
LAGUNTZAILEAK: Irantzu Azpeitia, Txomin eta Hélène Fuchs, Daniel Arbeletche, Artedrama, Hirigune elkargoko teknikariak, EHZ.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]
