Sinadura bilketa abiatu dute, Pasaiako segadaren kasua berrirekitzeko
Egia, justizia eta oroitzapena taldeak sinadura bilketa abiatu du Pasaiako segadaren kasua berrirekitzea eskatzeko. Komando Autonomo Antikapitalistetako kideen aurkako erasoa otsailaren 3an artxibatu zuen Donostiako 2. Instrukzio Auzitegiak. 1984ko martxoaren 2an eginiko segada hartan, Pedro Mari Izar, Rafael Delas, Jose Maria Izura eta Dionisio Aizpuru hil zituen Espainiako Poliziak.
Change.org webgunearen bitartez ari dira sinadurak biltzen; oraingoz mila pertsona baino gehiagok sinatu dute. “Gisako gertaera larrien zigorgabetasuna saihestea eta Euskal Herriak pairaturiko gatazka politikoaren egiazko oroimen historikoa eraikitzen laguntzea da ekimenaren helburua”, azaldu dute bultzatzaileek. Bestalde, sinadurek balio judizialik ez badute ere, auziko abokatu Santiago Gonzalezek azpimarratu du “balio sozial eta politikoa” dutela.
Sinadurak Donostiako 2. Instrukzio Auzitegira helaraziko dituzte. Prozesu judizialari dagokionez, auziak zenbait gorabehera izan ditu 1984tik. Urte hartan, ekainean, epaileak kasua behin behinean ixteko erabakia hartu zuen, delitu frogarik ez zegoelakoan. Ostera, 2000. urtean, Gonzalez abokatuak salatu zuen epaileak ez zuela segada hartatik bizirik irten zen Jose Luis Morenoren bertsioa aintzat hartu eta kasua berrireki zuten. Ekimenaren bultzatzaileak kexu dira epaitegiaren jarrerarekin: “Epaitegiak trabak jarri dizkio 2009tik aurkeztu dugun diligentzia orori”.
Pasaiako segada artxibatu izanak ezinegona eragin du senideen artean. “119 bala izan ziren, eta egin diren epaiketak ez dira serioak izan. Familiarentzat eta gertukoentzat gogorra da halako albisteak jasotzea”, dio Izarren arreba Lourdesek. Bestetik, Gonzalez abokatuak dio “hilketa aztarnak badaudela”.
Segada, planifikaturiko erasoa
1984ko martxoaren 2an Komando Autonomo Antikapitalistetako kideen aurkako segada antolatu zuen Espainiako Poliziak. Horretarako, komandokideekin hitzordua egitera behartu zuten Rosa Jimeno; oriotarra lau egun lehenago hartu zuten atxilo. Komandoko kideek itsasoz egin zuten bidaia, Lapurditik abiatuta; Pasaiara iristean, Polizia tiroka hasi zitzaien.
Jose Merino izan zen eraso hartatik bizirik irten zen bakarra. Azken horrek azaldu izan du nahita utzi zutela bizirik, Enrique Casas senatari sozialistaren heriotzarekin lotzen zutelako.
Informazio gehiago:
Pasaiako segada Wikipediaren euskarazko bertsioan.
Egin egunkariko zuzendaritzako kide eta langilea Donibane Lohizunen erail bazuten ere, Algorta jaioterrian egin diote oroimen ekitaldia, igande eguerdian. Bertaratutako lagun zein senitartekoek presente izan dute estatuaren indarkeriak hil zuela.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]