Protesta ekitaldiak antolatu dituzte Gasteizen Tel Aviveko Maccabik jokatuko duen partiduagatik

  • Tel Aviveko Maccabik abenduaren 29an Baskoniaren aurka Gasteizen jokatuko duen partiduaren harira ekitaldi eta protestak antolatu dira hirian. Hainbat eragilek antolatutako egitaraua egongo da BDZ (Boikot, Desinbertsioa eta Zigorrak) kanpainaren barruan.

Iosu Alberdi Atxurra @atxurraa
2016ko abenduaren 20a
Baskoniako zaleak Palestinako banderekin (Arg.: palestinalibre.org)

Antolatzaileek Maccabi taldea ongi hartua ez dela erakutsi nahi dute, Palestinako herriaren aurka Israelek egiten dituen gerra krimenen konplize dela arrazoituz.

Hitzaldi eta ekimen ugari antolatu dituzte egunotarako. Abenduaren 21ean “Preso palestinarren borroka” izenburudun hitzaldia egingo da Etxerat elkartearen egoitzan. Bertan Isabel Perez Gazan bizi den kazetaria eta Mussaáb Bashir PFLPko preso ohi palestinarra arituko dira.

Abenduaren 27an jarraituko du egitarauak “Maccabiri Boikota. BDZ eta kirol arloa” hitzaldiarekin. Koldo Alzola Uhintifada Palestina eta palestinarren elkartasun mugimenduen inguruko informazio irratsaioko kideak emango du hitzaldia Oihaneder Euskararen Etxean.

Azkenik, partiduaren egunean elkarretaratze bat egingo da arratsaldeko 17:00etan. Ondoren kalejira izango da Indar Baskonia zale taldearekin.

 

Kanal hauetan artxibatua: Israeli boikota  |  Baskonia  |  Israel  |  Gasteiz

Israeli boikota kanaletik interesatuko zaizu...
2017-05-03 | Ruben Sanchez
Boikot

Noiz eta gaur, non eta gurean, ni boikotaren alde. Espainiar ultraeskuindarrek (bakarrik?) hainbat euskal aktoresa-musikari-pailazo-politikariren kontra bultzaturiko kanpainaren azken atala prime time-n daukagunean. Kanpaina horrek kalte handia egin digu boikota elkartasun tresna (arma) modura defenditzen dugunoi.


Bost arrazoi Hewlett Packardi boikota egiteko

Hewlett Packard (HP) munduko informazio teknologia enpresarik handienetarikoa da. Denbora luzez Pentagonoaren hornitzaile militarra izan da; eta ordenagailuak, inprimagailuak eta beste hainbat informatika-produktu saltzen ditu munduan.


2017-03-24 | Lander Arbelaitz
Israelgo poliziak Omar Barghouti atxilotu du, boikot mugimendu palestinarraren bultzatzaile nagusia

Zerga iruzurra egotzita atxilotu zuen Israelgo poliziak igandean Omar Barghouti, Israelgo estatuari nazioarteko boikota bultzatzeko lan egiten duen BDS mugimenduko sortzaile eta kidea. Mugimendutik salatu dute "errepresioaren eta intimidazioaren azken kapitulu desesperatua" dela.


2016-12-23
Zergatik egin boikota Israelgo Maccabiri?
MULTIMEDIA - erreportajea

Abenduaren 29an Maccabi Tel Aviv Israelgo taldea egongo da Gasteizen, Baskoniaren aurka jolasteko. Hori dela eta, 'Maccabi-Israeli Boikot' aldarrikatuz antolatu diren ekimenez gain, Gazako eta Gasteizko BDZ mugimenduko zenbait ekintzailek boikot deiaren arrazoiak azaldu dituzte.


2016-11-16 | Axier Lopez
Israeli boikot egitearen alde agertu da Nafarroako Parlamentua

Palestinako okupazioa salatu du Nafarroako Parlamentuko Eledunen Batzarrak azaroaren 15ean onartutako adierazpenaren bitartez. Zisjordania, Ekialdeko Jerusalem eta Gazako Zerrendatik alde egitea eskatu diote Israelgo Gobernuari, nazioarteko legediak dioen gisan.


2016-11-09 | Koldo Alzola
Gustu txarreko bisita

Gaur bertan Daniel Kutner Israelgo estatu kriminaleko enbaxadorea dugu Gasteizen bisitan. Oraintxe jakin berri dut, lagun batek abisatuta, eta, ezinbestean delegaritza sionistari dedikatutako larrialdiko lerro hauek idazteko beharrean ikusi dut neure burua. Gutxiago ez du merezi ordezkari hebrearrak, izan ere, azken aldian berebiziko zaletasuna erakutsi du gure hiriarekin.


2016-11-09 | Arabako Alea
Elkarretaratzea deitu dute gaurko Gasteizen, Israelgo enbaxadorearen bisita dela eta

Israelgo enbaxadore Daniel Kutnerr eta Havtajá elkarte sionistako presidente Laurence Franks holokaustoari buruzko erakusketaren inaugurazioan izango dira gaur, Gasteizen.


2016-07-14 | Axier Lopez
"Izan gaitezen justuak, izan gaitezen BDZ"

Israeli boikot egiteko eskubidearen alde nazioartean hedatu den kanpainari gurean bultzada emateko asmoz Mundu Bat gobernuz kanpoko erakundeak bideo pedagogikoa sareratu du. Emaitza dozenaka milaka lagunek ikusi dute jada.


2016-06-09 | Arabako Alea
Kanpezuk Israelen aurkako boikot kanpainarekin bat egin du

Udal Batzarrean Kanpezuk nazioarteko BDZ kanpainarekin bat egitea onartu du, ondorioz, Araban Israelgo "apartheid erregimena" modu ofizialean errefusatu duen lehenengo Udala izan da.


Al_Nakba: Palestinako herriaren aurkako 68 urteko genozidioa

Al-Nakbak, palestinar herriari bere jabego osoa lapurtzeko proiektu sionistaren hasiera da, hondamendiaren hasiera. Gaur-gaurkoz, AEB eta EBren konplizitateari esker, egitasmoa oraindik indarrean dago eta, gure lana, proiektu hori geratzea da, Palestinako herriaren eskubideen bortxaketari amaiera emateko eta ekialde hurbilean justizian oinarrituriko bake iraunkorra erdiesteko.


Eguneraketa berriak daude