Presorik gabeko sanferminak aldarrikatzeko manifestaziora deitu dute

  • Bada garaia. presorik gabeko sanferminak leloa dauka uztailaren 4rako, 19:00etan, autobus geltoki zaharretik, Kalera Kalerak deituriko mobilizazioak; orain 40 urteko sanferminetan erabili zuten esaldi berbera da.

Euskalerria irratia @fm983irratia
2018ko ekainaren 19a
Jorgue Olaiz eta Ikerne Indakoetxea preso ohiek irakurri dute Kalera Kalera dinamikaren manifestazio deialdia. (argazkia:euskalerriairratia)

Bada garaia. Presorik gabeko sanferminak leloa dauka uztailaren 4rako Kalera Kalera dinamikak presoen askatasuna eskatzeko antolaturiko manifestazioak. Deitzaileek 1978ko sanferminak izan dituzte gogoan, German Rodriguezen erailketa eta Poliziaren jardun errepresiboa. Orduko hiriaren erralitatea zein zen azaldu dute Jorgue Olaiz eta Ikerne Indakoetxea preso ohiek: "Iruñerria, langile eta gizarte mugimendu indartsuekin, lan greba, manifestazio eta protesta ezberdinekin borborka ari zen. Haustura edo erreforma. Oligarkia frankistak, estatuaren aparatu guztiak, epaileak, korte frankisten kideak, poliziak, ejerzitoak eta guardia zibilak oinarrian 'statu quoa' zalantzan jarriko ez zuen erreforma zuten helburu".

40 urteko ibilbidea

Orduan, "askatasun demokratikoen alde" borrokan ari zen "antolatutako jendea": "Haustura demokratikoa. Indar errepresiboen desegitea, lan eskubideak eta eskubide sozialak, askatasun politikoak, Euskal Herriarentzako autodeterminazioa eta amnistia preso politikoentzat", horiek ziren eskatzen zituztenak. 

Orduko hura gogoan, ez da kasualitatea German Rodriguezen erailketatik 40 urte pasa diren honetan Bada garaia. Presorik gabeko sanferminak leloa hautatu izana, hori izan baitzen uztailaren 8an zezen plazan sartu zuten aldarrietako bat, amnistia eskariarekin batera. "Orduz geroztik, 40 urte hauetan Iruñeko kaleak presoen eta errefuxiatuen etxeratzearen aldeko borrokaren lekuko zuzenak izan dira", adierazi dute, bestelako sanferminak aldarrikarzearekin bat: "40 urte geroago, beste sanfermin batzuk ditugu. 2018a, gezurra dirudi. Ehunka euskal preso egoerari eusten ari dira, haien hurbilekoak, bisitak burutzeko milaka kilometro bidaiatzera zigortuak dauden bitartean. Estatu espainiarrak, bere klase politikoaren ustelkeria endemikoarengatik kirastua, erregea buru duela, termino demokratikoetan aldaketak burutzeari uko egin dio".

Aro politiko berria

"Aro politiko berrian" euskal preso politikoak etxeratze bueltatu behar dutela defendatu dute, "ahalik eta lasterren eta bizirik". "Ez dago aitzakiarik. Herri honek bakea eta askatasuna merezi du eta gure onena emanen dugu horretarako", ziurtatu dute. 

Manifestazioa uztailaren 4an izanen da, 19:00etan, autobus geltoki zaharretik abiatuta.

Albiste hau euskalerria irratiak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal preso politikoak kanaletik interesatuko zaizu...
"Etorkizunean preso gehiago geldituko dira aske eta beharrak handitu egingo dira"

Soraluzeko Harrera elkartearen arduradunak dira Ramon Argarate eta Koldo Kareaga preso ohia. Harrera 2012an sortutako elkartea da, preso, iheslari eta deportatu izan diren pertsonei “jendartean egokitu eta euren bizitza berria duintasunez bitzitzen laguntzea helburu duena”.


2018-07-20 | Mikel Asurmendi
Presoen aldeko bizikleta martxa Mont-de-Marsango espetxetik abiatu da

Mont-de-Marsanetik abiatua da goizean euskal preso politikoen urrunketa salatzeko bizikleta martxa. Parte-hartzaileek Zaballako espetxeraino eginen dute bide astelehenera bitartean.


Marlaskak dio ez duela gerturatze eskaerarik jaso euskal preso politikoen aldetik

Fernando Grande Marlaska Espainiako Barne Ministroak adierazi du “kasuz kasu” aztertuko dela euskal preso politikoen gerturatzea Euskal Herriko kartzeletara, baina oraindik ez dela elkartu lanketa batzordea gerturatze horiek aztertzeko.


2018-07-09 | ARGIA
Oskar Cadenas libre atera da Murtziako espetxetik, 18 urte preso egonda

Etxerat elkarteak jakinarazi duenez, uztailaren 8an libre atera da Oskar Carreras euskal preso politikoa, espetxean 18 urte eman ostean. Murtziako presondegian eduki dute azken urteotan.


Larri gaixo dagoen Manu Azkarate presoak zimitzez betetako ziega batean sartu dutela salatu du

Alcala Meco espetxean dago tolosarra, eta atzo bere galerian izandako miaketa orokor baten ondorioz gertaturikoaren harira egin duela salaketa azaldu dute senitartekoek.


2018-07-08 | Lander Arbelaitz
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


2018-07-05 | Nahia Ibarzabal
Jose Ramon Lopez de Abetxuko aske gelditu da 29 urteren ondoren

Preso gasteiztarra gaur goizean irten da Asturiaseko espetxetik. Gaixotasun koronarioarekin larri dago.


2018-07-02 | ARGIA
Hegoaldeko sindikatu guztiak presoak hurbiltzearen alde azaldu dira

Eusko Legebiltzarrean ekainaren 13an eta Nafarroako Parlamentuan ekainaren 29an erdietsitako akordioen ondoren, Hego Euskal Herriko sindikatu guztiek espetxe politikaren aldaketa eta presoen hurbilketa eskatu dute.


2018-06-29 | ARGIA
Bizikleta martxa presoen egoera larria amaitzeko

Sarek euskal presoen salbuespenezko egoera aldatzeko helburuz bizikleta martxa bat antolatu du uztailaren 20tik 23ra bitartean. Txirrindulariak Landestako Mont-de-Marsango espetxetik aterako dira eta Arabako Zaballan amaituko da.


Azkenak
EGILEA
Eguneraketa berriak daude