Durangoko Plataforma Feministak aurkeztu zuen mozioa eta EH Bilduren, Herriaren Eskubidearen eta PSE-EEren aldeko botoekin onartu da erabakia.
Bizkaiko Cantera Deportiva kirol hedabideak futboleko 3. mailan Urrezko Baloia irabazteko hautagaien artean aurkeztu du Paul Abasolo. Portugaleten jokatzen duen futbolaria 2010ean hiru sexu erasorengatik zigortu zuten eta indultu partziala jaso zuen. Sexu erasoengatik zigortu eta gero, Espainiako Estatuan indultua jaso duen pertsona bakarra da.
Plataforma Feministak adierazi du Abasolo zigortu egin zutela eta ondoren indultua jaso zuela. Geroago, feminista bati salaketa jarri zion, haren aurka aritzeagatik. Orain berriz, sari baterako proposatzea salatu du plataformak eta hedabideei hausnarketa egiteko eskatu die. Plataformaren ustez, ez da bateragarria indarkeria matxista salatzea eta sariak ematea.
EH Bilduko ordezkariak esan zuen futbolaria izanda saria emateak eredu bihur dezakeela Abasolo. Herriaren Eskubidearen aburuz, eraso larriak egin zituen Abasolok eta ez du damurik erakutsi.
EAJ eta PP abstenitu egin ziren bozketan. EAJko ordezkariek ez zuten haien iritzirik eman, eta aldiz, PPkoak bai. Haren ustez, gauzak nahastu dira: “Gauza bat da pertsona bat futbolean hobeagoa edo txarragoa izatea eta beste bat hemen gauden guztiok sexu erasoak gaitzestea”.
Suhiltzaile probetan aurkeztu da
Euskal Herriko Bilgune Feministaren webgunean irakur daitekeenez, “Paul Abasolok suhiltzaile probetan eman du izena, lanpostu publiko batean aritzea posible delarik”. Hori salatzeko deialdiak egingo dituztela adierazi du Bilgune Feministak.
2012an Paul Abasolori buruzko artikulu luzea argitaratu zuen ARGIAk.
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.