Bilboko Udalak autogestioaren aurka darabilen politika salatzeko manifestaziora deitu dute urriaren 14an
"Diruzaleei hortzak erakutsi" eta "indarrak batu" nahi dituzte larunbatean Bilbon deitu duten manifestazioan okupazioa, autogestioa eta erresistentziaren aldeko hautua Euskal Herrian defendatzen duten lagunek.
Gazte Asanbladen Sarearen (GAS) arabera, Bilboko Udalak eta EAJ alderdiak espazio autogestionatuen kontrako "dinamika argi eta bortitza" izan dute azkenengo urteetan. Biei egotzi die sareak "herri erakusleiho eta turistikoaren estrategian, alternatiba kultural eta politikoak inolako leku gabe uztea".
Gaurko prentsaurrean erasotzat jo dituzte gune autogestionatuetan alternatibak aurkitzen lan egiten duten eragileen kontrako "mehatxu zein ekintza onartezinak". Bi kidek zehaztu dutenez, une honetan "nagusitu diren" erasoak dira. Adibidetzat jarri dituzte Errekaldeko Etxarri gaztetxearen eta Iralako Izarbeltz ateneoaren hustutzeak, eta "mehatxupean dauden" Deustuko Gazte Lokala eta Santutxuko Karmela. Gogoan izan dituzte baita Zornotzako Ziztada gune askea, Gasteizeko Errekaleor auzo askea eta Tosuko ortu okupatua ere.
GASeko kideen esanetan, "argia da EAJren estrategia politikoaren baitan dagoen gaztetxeen desalojoa, proiektu urbanistiko eta diruzaleak aurrera eramateko". Era berean, "gazte eta ez hain gazteen aisialdi antolatua kontrolatzeko" Udalaren jarrera gaitzetsi dute, "Bilbon hutsik dauden mila etxebizitzak alde batera utziz". Agerraldian, Bilboko alkate Aburto, Gasteizeko Urtaran, Donostiako Goia eta "abar luze bat" parekatu dituzte, eta Euskal Herria "zein beste herrialde batzuk kolpatzen ari direla" salatu dute: "Estrategia neoliberal horretan, gaztetxeak zein gune aske eta autogestionatuek ez dute lekurik".
Indartuta
"Indartsu" agertu dira Gazte Asanbladen Sareko kideak. "Hiri kapitalista honi aurre egiteko" grina dute. Diotenez, Udalaren "mehatxuek" batean eta bestean emaniko pausoak indartu dituzte, "amorruz erantzutera" eramateraino. Botatako espazioak berreraikitzen jarraituko dute, autogestioaren "ideia tinko eta argiarekin", pentsatzen baitute "bizitzeko era desberdin bat eraikitzeko" bitartekoa dela: "Guk ez dugu haien errealitatea onartuko. Gizarte eredu honen aurrean alternatiben garrantzia ezinbestekoa da, hauek izango baitira herri borroka eta eremu erreferenteak, inguruko espazioak kritikotasunez transformatzeko aukera, EAJren estrategia krudel eta kapitalistari aurre egiteko erraminta, eta era kolektiboan, gure ideia, kezka, edota salaketei erantzun erreala bilatzeko nahitaezko tresna".
Manifestazioa
Euskal Herri osoari luzatu diete deia Bilboko Gazte Asanbladen Saretik larunbateko, urriak 14, manifestazioan parte hartzeko "okupazioa, autogestioa eta erresistentziaren alde". Indarrak batu nahi dituzte "diruzaleei hortzak erakusteko" eta "gure etxea defendatzen jarraitzeko".
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.