Nori berea, Jaunaren legea!

  • Hedabideak hedabide, ustelkeria dugu denetan hizpide. Kukutik kukura, lotsa gutxi dutenen lege urraketak gora egiten du nabarmen. Izan ere, azkenaldian, Estatu mailako ur handiko arrainen artean, puri-purian jarri da zabarkeria. Duela urte batzuk, oihartzun handia izan zuen Cristina infantaren egozteak, bai Espainian bai Europan. Bazirudien, Espainiako errege emerituaren alabak gogotik muzin egin ziela Konstituzioan agertzen diren legeei. Hori zela eta, hainbat delitu leporatzen zitzaizkion; besteak beste, Herri Ogasunaren aurkakoa.

Mireia Garay Elexpuru
2018ko martxoaren 01a

Egoera horren aurrean, Errege-koroa saiatu zen plantak egiten, herritarrei  lasaitasun sentsazioa transmititze aldera. Ederki asko genekien egozte horrek herrialdearen irudia zapuztuko zuela, eta horrek eragin kaltegarriak ekar zitzakeela  ekonomian zein politikan. Horrekin bat, argi izan behar genuen epaiketa egon arte denok garela errugabe, baita berdinak legearen aurrean ere.

Azken hori horrela den, txitean-pitean galdetzen diot nire buruari. Batzuek baietz esango didate; beste hainbatek, ezetz. Iritziak iritzi, argi eta garbi dago Castro epaileak  eragozpenak izan zituela bere erabakia aurrera eramateko. Izan ere, Espainiako Gobernua egoztea bertan behera uzten saiatu zen aldez edo moldez.

Garizuma baino luzeagoa izan zen aitortza egin zion Infantari. Azken horrek ongi asko zekien zer  eta nola erantzun; izan ere, Miquel Roca eta Jesús María Silva abokatuek ahalik eta ondoen prestatu zuten Infantaren defentsa

Dena den, Castro epaileak ondo bai ondo aurre egin zion horri, eta, are gehiago jasan behar izan zituen kritika zaparradei. Zeharo onartu behar zaio izandako ausardia, Espainiako historian ez zaiolako sekula santan familia errealaren kide bati aurre egin. Horrela, garizuma baino luzeagoa izan zen aitortza egin zion Infantari. Azken horrek ongi asko zekien zer  eta nola erantzun; izan ere, Miquel Roca eta Jesús María Silva abokatuek ahalik eta ondoen prestatu zuten Infantaren defentsa. Egindako lanak eta bizi pozean zegoela esateak, beste gauza askoren artean; noski, bere fruituak eman zituela ikusi genuen aurreko urtean, absoluzioa lortu baitzuen. Gainerakook etsi-etsian onartu genuen erabakia, gure infantak asko izan eta gehiago nahi zuela pentsatzen bagenuen ere.

Horrela, ilargia labe garaian eduki dute, baina urtaro berria heltzear dago, eta  horrekin bat aldaketak datoz Urdangarin Borbon familiarentzat. Martxoaren 21ean bista publikoa egongo da, hamar urteko kartzela zigorra eskatzen baitu Auzitegi Gorenak Iñaki Urdangarinentzat. Agidanez, askatasunaz gozatzeko epea agortzen hasia zaio.  

Hori dela eta, giro nahasia susmatzen da ondorengo hilabetetan. Datorrena datorrela,  azken hitza epailearena da, eta albait arinen zirt edo zart egin beharko du.  Bien bitartean buru makur dabil gure Iñaki, zer etorriko den beldur.

Mireia Garay Elexpuru

Euskara teknikaria eta ikertzailea

Kanal hauetan artxibatua: Politika  |  Iritzia  |  Espainiako monarkia ezbaian

Politika kanaletik interesatuko zaizu...
2018-06-17 | ARGIA
1.500 pertsona manifestatu da Baionan, Esnal, Haranburu eta Parot anaien alde

Egun bat gehiagorik ez lemari atxikiak, ehunka lagunek bat egin zuten Lapurdiko hiriburuko karriketan. Ion Parot, Unai Parot, Jakes Esnal eta Frederic Haranburu Txistor preso lapurtarren baldintzapeko askatasuna eskatu zioten Macronen gobernuari ozenki.


Olivier Peter
"Delitu politikoa jende zintzoaren delitua da"

Genevan (Suitzan) erbesteratuta dagoen CUP-Crida Constituenteko diputatu ohi Anna Gabriel Sabatéren abokatua da Olivier Peter (Zurich, 1986). Giza eskubideetan, nazioarteko zuzenbide penalean eta estradizioetan aditua da. Legelari suitzar gazteari eskatu dio aholkua militante antikapitalistak. Peterri ez zaizkio elkarrizketak gustatzen, baina La Directarekin hitz egiteko prest agertu da. Bi hedabideon arteko harremana medio, ARGIAn elkarrizketa euskaraz eskaini nahi diegu irakurle... [+]


Ustelkeriak Sabin Etxearen atea jo du

Euskal Herrian inoiz epaitu den ustelkeria kasu handienetakoa da De Miguel auzia. Besteak beste, dirua zuritu, legez kanpoko komisioak jaso eta hirigintza operazioekin iruzurra egitea egozten diete Alfredo de Miguel Arabako EAJko buruzagi ohiaz gain auzipetutako beste 25 laguni, horietako asko alderdi jeltzaleari oso lotuak. Ikusteke dago euskal Gürtelak zer faktura ekarriko duen, baina Sabin Etxean aspaldi ari dira altzariak estaltzen alderdia ahalik eta gutxien zipriztintzeko.


2018-06-17 | Adur Larrea
Ez hanka ez buru
Status-quo

350.000 esku bidean

175.000 pertsonak osatu dute, antolatzaileen arabera, Donostia, Bilbo eta Gasteiz lotzen dituen 200 kilometroko bidea. Gure herriko historia hurbilean egindako mobilizaziorik jendetsuenetako bat izan da, ezbairik gabe. Ekimenak bultzada berezia eman nahi izan dio Eusko Legebiltzarrean EH Bildu eta EAJ lantzen ari diren autogobernu ponentziari.


2018-06-17 | Fermin Erbiti
Politikaren amildegiak

Politika ez da ordoki goxoa, bide malkartsua baizik. Politikariek, eta bereziki agintariek, ongi dakite ofizioak ez duela zer ikusirik zientzia zehatzekin. Politikakoak kontu korapilatsuak izateaz gain, jende askori eragiten diote, bakoitzari modu diferentean. Erabakiak hartzerakoan, beraz, ez da erraza etekin eta kalte politikoen inguruko hausnarketan asmatzea. Kalkulu, arau edo iraganeko lezioek ere gutxi balio dute, ziurgabetasunaren eremuan mugitzen baikara. Politikaria amildegiaren... [+]


2018-06-16 | Xabier Letona
80.000 pertsona baino gehiagok arbuiatu du Iru˝ean Altsasuko gazteen aurkako epaia

Iruñea txiki gelditu da Euskal Herria eta Estatu osotik etorritako dozenaka mila herritarren uholdearen aurrean. Guztiek argi utzi dute Auzitegi Nazionalak Altsasuko gazteen aurka emandako epaia arbuiatzen dutela. Nafar Gobernuko ordezkaritza bat ere izan da manifestazioan, epai proportzionala eskatuz. Antolatzaileen arabera, guztira 80.000 pertsona baino gehiago izan da manifestazioan.

 


Aquariuseko errefuxiatuekin "legea" aplikatuko dela esan du Grande Marlaskak

Aquarius itsasontziko errefuxiatu batzuk atzerritarren atxikitze zentroetan sartuko dituzte eta litekeena da euren herrialdeetara itzularaztea.


2018-06-15 | Hiruka .eus
Altsasuko gazteen alde, Erandioko trenbideko katenaria moztu dute ezezagunek

Ezezagunek HIRUKA komunikazio-taldeari igorritako agiri baten arabera, Metro Bilbaoko katenaria moztu dute gaur goizaldean, Erandio aldean. Oharrean azaldu dutenez, ekintza horregaz espetxeratutako Altsasuko gazteen askatasuna eta "1978ko erregimenarekin lotzen gaituen katea" apurtzea aldarrikatu  gura izan dute. Iragarri dutenez, hainbat trenbidetako katenariak moztu dituzte Euskal Herriko "txoko askotan".


Azkenak
EGILEA
Eguneraketa berriak daude