Hagak guda krimenengatik Afrikako estatuburu ohi bat errudun jo du lehen aldiz
NBEren esku dagoen Hagako Nazioarteko Auzitegiak Charles Taylor Liberiako presidente ohia (1997-2003) zigortu du gerra krimenak eta gizateriaren aurkako krimenak egotzita. Sierra Leonako gerra zibilean RUF Fronte Iraultzaile Batuak burututako gehiegikerien arduraduntzat jo dute. Lehen aldia da nazioarteko justiziak Afrikan estatuburu izandako norbait epaitzen duena.
Epaiaren arabera, ondoko krimenak burutzen "lagundu" zuen Taylorrek: hilketak, emakumeen eta haurren aurkako bortxaketa sistematikoak, mutilazioak eta 15 urte baino gazteagoak ziren haurrak soldadu izatera edo diamante meatzeetan esklabotzara behartzea, besteak beste.
Defentsak argudiatu duenez, "epaia politizatua dago eta neokolonialismo modu bat da" eta Taylorrek matxinoekin eduki zuen harreman bakarra "bake elkarrizketak bideratzeko" izan zen
Zigorra maiatzaren 30ean zehaztuko dute.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.