Mundua guztiontzat beharko lukeela uste duten 33 elkarteren eguna
Irailaren 29an Errenterian izango da aurtengo Bizipoza jaia. Egitarau zabalaz gain, Bizipozak biltzen dituen 33 elkarteak ezagutzeko aukera izango da, familiei zuzendutako Piko-piko jolasaren bidez.
Aurtengoa hirugarren Bizipoza jaia izango da, lehena Usurbilen egin zuten 2016an, eta bigarrena Derion iaz. Bizipoza jaia antolatzerakoan, egingo den inguruko elkarteek ekimen eta protagonismo berezia izatea dute asmoa, eta aurtengoan Juneren Hegoak eta Mindara elkarteen txanda izango da. Juneren Hegoak gaixotasunen bat duten haurren eta haien familiei baliabideak eskaini nahi dizkie eta Mindarak aniztasun funtzionala duten pertsonak artatzen ditu.
Kartelean irakur daiteke egun osoko egitaraua:
Jairako boluntario bila
Egun osoko jaia aurrera ateratzeko 177 boluntarioren beharra aurreikusi dute. Oarsoaldeko herritarrei dei egin diete, laguntzeko. Bizipoza webgunean aukera dago boluntario gisa izena emateko, eta baita egitaraurako ekintzaren bat eskaintzeko ere.
33 elkarte hauek biltzen ditu Bizipozak
Haur eta familien ongizatea bultzatzen duten 33 elkarteren bilgunea da Bizipoza elkartea, "mundua guztiontzat beharko luke" lemapean. Balio hauek dituzte oinarri: euskara izatea euren arte hizkuntza ardatza, auzolana, elkartasuna, bizipoza. Hauek dira Bizipoza sareko elkarteak:
- ADEMGI Gipuzkoako Esklerosi Anizkoitza Elkartea
- Afestta Euskadiko Tourette Sindromea eta bestelako trastornoen familia elkartea
- AGIPASE Gipuzkoako Guraso Bananduen Elkartea
- AMPGYL Estatu mailako Lesbiana, Gay, Transexual eta Bisexualen guraso elkartea
- Arnasa-Fibrosi kistikoaren elkartea
- ASPANIF Erbi ezpaindun edo ahosabai hautsidun gurasoen elkartea
- ASPANOGI Gipuzkoako Haur Minbizidunen Guraso Elkartea
- ASPANOVAS Bizkaiko Haur Minbizidunen Guraso Elkartea
- Aurrera Atera, animalien laguntzazko terapia bidez bazterturiko kolektiboei laguntza fisiko eta emozionalak ematen dizkiena
- Banai Bagara, elkarrekin euskaraz bizitzeko egitasmoak
- Beroa, Gipuzkoako Harrera Familien Elkartea
- Bihotzez, kardiopatiak dituzten haurren familien elkartea
- Bokalan Biak Bat fundazioa, elbarritasuna dutenei laguntzeko txakurrak hezten ditu
- Chernobilen Lagunak
- Etiopia Utopia fundazioa
- Chrisallis Euskal Herria, zakila duten neskak eta alua duten mutilak
- Dravet Sindromea
- Euskal Herriko Down Sindrome Elkartea
- Gehitu, Euskal Herriko Gay, Lesbiana, Transexual eta Bisexualen Elkartea
- Gipuzkoako Kirol Egokituen Federazioa
- Gizakien Lurra, laguntza zuzena babesik gabeko haurrei
- Gure Nahia Elkartasuna, gaixotasun arraroak dituzten haurren aldeko Gipuzkoako elkartea
- Hiru Hamabi, garuneko kaltea jasan duten adin txikikoen gurasoen elkartea
- Gure Señeak, Derion gaitz arraroak dituzten haurren senideak
- Juneren Hegoak, seme-alabaren bat gaixorik duten familientzako babes sarea
- Kale Dor Kayiko, Araba, Bizkaia eta Gipuzkoako ijitoen elkartea
- Mindara, aniztasun funtzionala duten pertsonak artatzeko Gipuzkoako Elkartea
- Pausoka, behar bereziak dituzten haurren gurasoen elkartea
- Sahararen Aldeko Goierriko Lagunak
- Sanfilippo Sindromedun Umeen Euskal Elkartea
- Seaskako Integrazio Batzordea, ahalmen urriko haurren eskolatzea bultzatzen du ikastoletan
- Ume Alaia, adopzio-familien elkartea
- Ulertuz, Bizkaian entzumen urritasuna duten ume eta gazteei laguntzeko elkartea
Bizipoza elkartearen bazkideak
Bizipoza elkartearen sorburua Pirritx, Porrotx eta Marimototsek ezagun egin duten Irrien Lagunak Klubari dago lotua. Irrien Lagunak Kluba osatzen dute Katxiporreta pailazo taldeak, Elkar argitaletxeak eta Berria egunkariak. Egun, ordea, Bizipoza elkartea bazkidez eta boluntario sareaz osatua dago.
Hauek dira bazkideak:
- Irrien Lagunak Kluba
- Katxiporreta
- Elkar
- Hik Hasi
- Ikastolen Elkartea
- AEK
- Agipase elkartea
- Aspanif elkartea
- Dravet elkartea
- Euskal Herriko Down Sindrome Federazioa
- Gehitu elkartea
- Gure Señeak elkartea
- Kale Dor Kayiko elkartea
- Pausoka elkartea
- Aspanovas elkartea
- Gipuzkoako kirol egokituaren federazioa
Hauek dira boluntarioak:
- Real Sociedad Fundazioa
- Orona
- Irizar
- Osasungoa Euskalduntzeko erakundea
- Bai Euskarari
- Kukai Dantza Taldea
- Elhuyar Fundazioa
- Laboral Kutxa
- BBK
- Maier
- Danobatgroup
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Dantza, xake edo kirol topaketak egiten diren bezalaxe, literatura gustuko duten haur eta gazteek ere zaletasuna partekatu, elkar ezagutu eta egunpasa ludikoa egiteko aukera izango dute, datorren igandean. Ikasturtean zehar elkarri gutunak idazten aritu diren 130 gaztetxo... [+]
Mireia Centeno Gutierrez psikopedagogoak haurren elikaduraren inguruko zenbait gako eman ditu; hala nola jatera behartzeak eta jakiak debekatzeak dituen ondorioak aipatu ditu.
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
Ikusiz zenbat psikologok, medikuk, terapeutak… metodo mirakuluak partekatzen dizkiguten, pentsa daiteke haurren heziketa nazioarteko kezka dela eta denok adituak bilakatu garela.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Eneko Mendiluze Plaza psikologoak gaueko beldurren inguruko zenbait gako eman ditu. Nabarmendu du guraso bakoitzak ikusi behar duela zer datorkion hobeto umeari.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]