Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.
Gasteizko Udalak 750 euroko isuna jarri dio Gasteizko Bilgune Feministari, Martxoak 8ko grebarako deia egiten zuten 13 kartel jartzeagatik. Bestalde, mugimenduko beste bi kidek ere orotara 700 euroko zigorrak jaso dituztela salatu dute, "greba eguna zabaltzeagatik".
Gertatutakoa arbuiatu du Gasteizko Martxoaren 8ko Asanbladak, hedabideei bidalitako ohar batean. Isunak greba eguna eta bost egunera iritsi zirela argitu dute, Euskal Herriko Mugimendu Feministak sinatutako kartelak ipintzeagatik. Udaletxeko bulegoetan jarrita zeuden kartel berdinak zirela azaldu dute.
Udalaren "kontraesanak" salatu dituzte: "mugimendu feministaren lana aitortzea helburu zuten berdinek kriminalizatu gaituzte beste behin ere". Era berean, mugimendua "argi mediatikotik at" geratzen den momentuan Udalak "mugimendua bera zigortzen duela" kritikatu dute oharrean.
Albiste hau Arabako Aleak argitaratu du eta ARGIAra ekarri dugu CC by-sa lizentzia baliatuta.
Frantziako Estatu mailan bideraturiko greba feministari lotu dira Ipar Euskal Herriko sindikatuak eta talde feministak ere. Soldatapeko lanean, zaintzan eta kontsumoan bideratu dute greba.
Hilabeteren buruan feministok emakume* langileon egunean kaleak hartzera aterako gara. Urteroko zita dugu, urtez urte gogoz antolatu eta prestatu duguna. Pasa den astean atzera begirada arin bat egin genuen Portugaleteko asanbladan, 2018ko eta 2019ko greba feministak... [+]
Guardia Zibilak informazio faltsuak eta adierazpen manipulatuak sartu zituen M8ko manifestazioari buruzko txostenean, Espainiako Gobernuari pandemiaren hedapenaren errua leporatzeko, manifestazioa baimendu izanagatik. Txosten horrek ekarri du Moncloak Madrilgo erkidegoan duen... [+]
"Oso azkar goaz", "baina helduta goaz" esan zion emakume batek beste bati Gasteizko Olagibel kalean, justuki Ertzaintzaren komisaldegiaren parean. Eguerdiko 12:30ak ziren gutxi gorabehera. Aldi berean, toki berean, "Gora borroka feminista!" oihuak... [+]