“Mozal legea” bertan behera uzteko eskatu dute NBEko ordezkariek

  • Nazio Batuen Erakundeko ordezkari talde batek Espainiako Gobernuari eskatu dio Herritarren Segurtasunerako Legea –“mozal legea” gisa ezagunagoa– eta Kode Penalaren erreforma bertan behera uzteko.


2015eko otsailaren 24an - 11:39
Azken eguneraketa: 2015-02-26 13:37:33
Mozal legea eta Espainiako Kode Penal berriaren proiektua bertan behera uzteko eskatu dute NBEko ordezkariek.

PP buru duen gobernuak martxan jarri dituen lege aldaketa horiek “norbanakoen eskubide eta askatasun oinarrizkoak mehatxatzen dituzte”, NBEko kideen ustez. Manifestazio eta adierazpen askatasuna ere kolokan jartzen dituela adierazi dute.

Eskaria erakundeak Giza Eskubideen alorrean daukan organo nagusiko bost kidek egina da. Noticias de Gipuzkoak jaso duen adierazpenean irakurtzen denez, talde hori “kezkatuta” agertu da proposatutako legeak gobernuaren erreakzio gisa ulertzen dituelako, azken urteetan ugaritzen ari diren manifestazioen aurrean.

Bilkura baketsuak egiteko eskubidea eta beste hainbat oinarrizko askatasun arriskuan egon litezke aldaketa legal horiek bururaino eramanez gero.

NBEk, gainera, arreta berezia eskaini dio “Mozal legeak” Espainiako Estatuan bizi diren atzerritarren eskubideei egin diezaiekeen kalteari: immigranteak jatorrizko herrialdea bermerik gabe itzularaztea erraztuko lukeela uste dute eta  pertsona horiek torturak eta tratu txarrak jasateko arriskupean geratuko liratekeela.


Kanal honetatik interesatuko zaizu: Mozal legearen mehatxua
Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan 'Mozal Lege' berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


2022-12-16 | Iñaki Agirre
“Ez dugu ekimen erreformistarik nahi, Mozal Legearen indargabetzea eskatzen dugu”

Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]


Eguneraketa berriak daude