Mekauen konpartsaren kontrako salaketa jarriko du COVITEk, kale bati Pakito Arriaran izena jartzeagatik

  • Bilboko festetan, Mekauen Egunean, hainbat kaletako plakak estali zituzten borroka internazionalistan jardun izan diren pertsonen izenekin, tartean ETAko kide izandako Arriaranena.

ARGIA @argia
2016ko abuztuaren 25a

COVITEk iragarri duenez Mekauen konpartsa salatuko du "terroristak kaleetan zigorgabetasun osoz omenduak izan daitezen eragozteko". Biktimen elkarteak nabarmendu du konpartsa Bilboko festetako programa ofizialean dagoela "15. zenbakidun txoznarekin" eta Udalari exigitu dio kendu dezala kaleko plaka estaltzen duen Arriaranen izena: "Pakito Arriaranek hamar hilabeteko kartzela bete zuen 1975ean talde terroristako kide izateagatik".

Arriaranek 1978an egin zuen ihes, lehenik Frantziara eta ondoren Venezuelara –herrialde hartan BVEren atentatu baten biktima izan zen baina bizirik atera zen–. 1980ko hamarkadan El Salvadorreko gerrillan hartu zuen parte, ideia internazionalistekin guztiz bat eginik; borrokaldietako batean hanka galdu ondoren, armadak 1984ean hil zuen.

Mekauen konpartsak urtero ospatzen duen Mekauen Egunean hainbat kaleetako izendegiak estali dituzte giro umoretsuan joan den asteartean, nazioarteko borroketan parte hartu duten pertsonen izenekin. Pakito Arriaranekin batera kale berari Begoña Garcia izena jarri diote, hura ere El Salvadorren hila. Beste pertsona ezagun askoren izenak ere paratu dituzte Bilboko kaleetan: Berta Cáceres, Angela Davis, Che Guevara, Doris Benegas eta abar.


Internazionalismoa kanaletik interesatuko zaizu...
2018-04-15 | Jabi Zabala
Ahilan Waradarajah eta Viraj Mendis
"Negoziazioak ondo badoaz, Mandela bihur zaitezke, baina gerra galtzen baduzu, zure bila etorriko dira"

Askatasun Tigreak gerrillaren amaiera izan zen 2009ko maiatzeko sarraskia. Sri Lankako armada sinhalarraren garaipenak amaiera eman zion de facto independentea izan zen Tamil Eelam-eko estatu saiakerari. Genozidioa ere izan zen hura, Viraj Mendis eta Ahilan Waradarajah ekintzaileen arabera. Sinhalarra bata, tamil etniakoa bestea, hori azaltzera etorri ziren otsailean Euskal Herrira Alemaniatik.


2018-03-26 | Aitor Aspuru Saez
Borrokan hildakoek eta lagunek piztu zuten Newroz-aren sua Bilbon

Martxoaren 23an ospatu zuten Newroza, urte berri kurdua, Bilbo Zaharreko plazan hainbat lagunek. Ekitaldi xume eta hunkigarria izan zen. Une latzak dira Kurdistango Askapen Mugimenduarentzat, baina zapalkuntzari ohitu den herri horrentzat inoiz ez dira garai oparoak, eta horrek ez dio dantzatzeko gogoak kentzen.


Argazki bilduma
"Euskaldunok elkartasuna adierazi eta kurduekin batera Newroz bizi izan dugu"

Martxoaren 21ean kurduen egun handiena ospatu zuten. Amed hiriko ospakizunetan parte hartu zuen Euskal Herritik joandako ordezkaritza batek. Handik bizi izandakoaren berri eman dute kronika eta argazki bilduma honetan.


2018-03-18 | Aitor Aspuru Saez
Herri kurduaren min eta bizipozarekin sei egunez Europan barrena

Kurdistango Askapen Mugimenduak ibilaldia egin zuen otsailaren 8tik 17ra bitartean Europako bihotzean, salatzeko Abdullah Öcallan preso isolatuaren egoera eta Turkiak abiatu duen erasoaldia Afrinen –Siriako kantoi kurdu autonomoan–. Zenbait euskaldunok parte hartu genuen ekimenean elkartasuna adierazteko eta herri kurduaren izaera hobeto ezagutzeko aukera izan genuen.


2018-02-27 | Zebrabidea
Iraitz (Askapena)
"Garrantzitsua da brigadista izaera izatea"

“Internazionalismotik Euskal Herria eraikitzen” lemapean antolatu ditu Askapenak aurtengo brigadak. Hiru eremu geografikotan jarri dute fokoa aurtengoan: Latinoamerika, Ekialde Hurbila eta Europa. Iraitz izan dugu estudioetan honen guztiaren berri emateko.

 


Kurduekin borrokan ari ziren hiru internazionalista europar hil dituzte Sirian

Bretagne.info-k jaso duenez, Olivier François Jean Le Clainche bretoia, Herbereetako Sjoerd Heeger eta Samuel Prada León galiziarra hil dituzte Siriako Afrin kantoian, YPG milizia kurduekin borrokatzen ari zirela.


2018-02-06 | Topatu.eus
Aurtengo brigadak aurkeztuko ditu Askapenak datozen hilabeteetan

Latino Amerikara, Ekialde Hurbilera eta Europara antolatuko ditu Askapenak aurtengo brigadak. Gaur hasi eta apirilera bitartera arte Euskal Herriko hainbat lekutan aurkezpenak egingo dituztela iragarri dute bertako partaideek.


2018-01-30 | Topatu.eus
Bolibarren martxoaren 4an egun internazionalista deitu du Venezuela Aurrera plataformak

Venezuelak jasan dituen eraso neokolonialistak salatu eta Chavezen irudia zein Iraultza bolibartarra aurrera eraman duen herriari omenaldia egiteko antolatu dute Venezuela Aurrera plataformako kideek martxoaren 4an Bolibarren egingo den egun internazionalista.


2018-01-22 | ARGIA
Bretainiako ZADera brigada antolatu dute martxorako

Euskal Herria Zadista elkarteak jakinarazi du ZADera brigada antolatzen ari direla. Martxoaren 24ean hasi eta apirilaren 1ean amaituko da "elkartasun eta topaketa brigada".


2017-12-14 | Hala Bedi
Robokoop, eskaintza faltsuak Marokok Mendebaldeko Saharari egiten dion lapurreta salatzeko

Denda berri bat ireki dute Gasteizko Dendaraba gunean, Marokok beste herrialde batzuekin batera aurrera eramaten duen espoliazioa salatzeko eta jendartea kontzientziatzeko. Prezio faltsuak ditu dendak, “baina eguneroko lapurreta handiagoa da”. Sarean ere webgunea zabaldu dute: www.robokoop.com


Azkenak
EGILEA
Eguneraketa berriak daude