M8 greba feministaren beldur diren matxisten adierazpenen Top 10a

  • M8ko greba feministak matxisten hautsak harrotu ditu, eta bat baino gehiago kikildu da emakumeen mobilizazioen aurrean. Feminismoak urduritzen dituen matxisten adierazpenen Top10a ekarri dugu ARGIAra:

Maddi Txintxurreta @mtxintxurreta
2018ko martxoaren 07a

1) Munillaren feminismo “femeninoa”

Jose Ignacio Munilla Donostiako gotzainak esan du feminismoari “deabruak gola sartu diola”. Simone de Beauvoir, Virginie Despentes, Angela Davis eta Silvia Federicciren liga berdinean jokatu nahi du Munillak. Izan ere, teologiak badu filosofiatik, eta korronte feminista berri bat proposatu du gotzainak: “Feminismo femeninoa”. Hau da, abortuaren kontra dagoena eta gizon eta emakumeen arteko berdintasun legala eta juridikoa bermatzen duena. Eta, garrantzitsuena, “feminismo erradikalak” bultzatzen duen “berdintasun erabatekoa” arbuiatzen duena.

2) CENeko presidenteak esan du ez duela soldata arrakalarik ikusten

Nafarroako Enpresarien Konfederazioko (CEN) presidente José Antonio Sarríak esan du berak ez dula ezagutzen “ezein lanbide desberdin ordaintzen dioena gizon eta emakumeei lan berdina egiteagatik”. Hots, urtean 7.551 euroko soldata arrakala ukatu du.

3) AZKEN ORDUKOA: Ciudadanos ez da antikapitalista

Albert Rivera Ciudadanoseko buruak sorpresa eman zuen galdetu ziotenean ea M8ko greba feminista babestuko zuen. “Ez dugu babesten antolatu den greba antikapitalista, gu ez garelako antikapitalistak”. Bestalde, greba ez dute babestuko “ideologikoa” delako, emakumeen berdintasuna defendatzeak ez baitu ideologiekin zerikusirik.

4) Zumaiako Udalaren iritziz, herriko emakumeek ez daukate erabakitzeko gaitasunik

Martxoaren 8ko greba feministaren harira, Zumaiako tren geltokira doan tuneleko hormak margotu zituzten Kalea Guztiona Da-k eta Zumaiako mugimendu feministak elkarlanean, herriko hainbat artistarekin batera. Bada, Zumaiako Udalak publikoki esan du murala ezabatuko duela eta Kalea Guztiona Da-k Zumaiako emakume feministak engainatu dituela grebaren harira egunotan egin dituzten ekimenetan.

5) Javier Maroto (PP): “Ez dugu babestuko Pablo Iglesiasek deitutako greba bat”

“Ez dugu babestuko Pablo Iglesiasek deitutako greba bat, Podemosen manifestazioa da eta hori mundu guztiak daki, uste dugu berdintasuna ez dela Pablo Iglesiasek nahi duen manifestazioarekin lortzen, berari gustatzen zaiona zarata da”, esan du Javier Maroto PPko Gasteizko alkate ohiak. Antza, Marotok entzungor egin die Euskal Herriko eta Espainiako Estatuko mugimendu feministen deialdiei, edo ez ditu Twitterren jarraitzen.

6) Cayetano Polok ez daki feminismoa zer den

Cayetano Polok (Ciudadanoseko bozeramailea Extremaduran) esan du feminismoak ez duela berdintasuna babesten: “Matxismoak ez du berdintasuna bilatzen eta feminismoak bai?”. Polok ez du ondo ulertu feminismoa zer den, baina badirudi matxismoa hitzez hitz definitzeko gai dela. Bera ez da “ez matxista ez feminista”, Polok “berdintasunean” sinesten du.

7) Rajoyk emakumeak lanera deitu ditu M8an

Mariano Rajoy Espainiako Estatuko presidentearen ustez, emakumeek berdintasunaren aldeko borrokan gehiago lagunduko dute M8an “lan eginez gero, greba eginez gero baino”. Bestalde, bere alderdikide emakumezkoek greba egingo zuten galdetuta, Rajoyk esan zuen ez zekiela, ez ziela horri buruz galdetu.

8) Patronalak ez du greba babestuko

CEOE eta Cepyme Espainiako patronalek euren afiliatuei dei egin diete martxoaren 8an enpresak egun osoz irekita mantentzeko. Patronalak deritzo deialdia “lekuz kanpokoa” dela, eta Espainiako Gobernuak sindikatuekin akordioak lortzeko “zailtasunak” sortzen dituela. Emakumeen aldekoa baino, enpresarien aldeko jarrera hartu du patronalak, izan ere, kontuan hartu behar dira ostegunean enpresariek izango dituzten zailtasunak “produkzioa bermatzeko”.

9) Marhuendaren ustez, M8ko greba “sektarioa” da

Honakoa idatzi zuen Francisco Marhuenda Espainiako La Razón egunkariko zuzendariak Twitterren: “M8ko greba gaizki planteatuta dagoela deritzot, eta ‘sektarioa’ dela. Ezkertiarra bazara, Grezian emakumerik gabeko gobernu bat egiten duzu eta inork ez dizu ezer esaten”.

10) Cayetana Álvarez: “Ez dezagun biologia ukatu ideologia inposatzeko”

Cayetana Álvarez PPko diputatu ohiaren ustez, greba feminista “zentzugabekeria” da. “Ez dezagun biologia ukatu ideologia inposatzeko. Biologia ukatuz, heteropatriarkatu kriminal eta ustela existitzen den ideia hedatzeko nahia dago, zeinak ikusten baitituen emakume guztiak jazarrita edo biolatuta izateko arriskuan”.

Kanal honetan artxibatua: M8 greba feminista

M8 greba feminista kanaletik interesatuko zaizu...
2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-17 | Arabako Alea
Mugimendu feministaren aurkako isunak salatu dituzte

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.


Fauna publikoa
Kartolak jantzita

Bergarako Martxanterak talde feministak eman dizkion erantzunengatik iritsi naiz Oihan Vegaren iritzi-artikulu batera, “M8, eta orain zer?” du titulua, pixka bat Leninen Zer egin? hura bezala, baina komunismorik gabe, zeren komunismoak ere ez baitu, Vegaren esanetan, matxismoa desagerrarazten –Twitterren irakurri diot erromeriako esplikazio hori, artikuluak eragindako polemikaren erantzunetan–, eta beraz, galdetzen du –berriz ere artikuluan–, zergatik salatu... [+]


2018-03-25 | David Bou
Armak eman ditzagun

Orrialde honetan idaztea proposatu zidatenean hainbat dudak harrapatu ninduen, gauza bat ebatzi behar nuen oroz gainetik. Sailean nor ordezkatzen nuen, ahots maskulinoen aldean ahots femeninoen pisua ezagutu nahi nuen. Erantzuna egokia izan zen.

Inork ez dezala pentsa, idazteko aukera eman zidatela nire pribilegioen oso kontzientea naizelako, aitzitik, lagun feminista bati aspaldian entzun nizkion hitz hauek burrunba egin zidaten: “Zure ustez, zer egin dezakegu gizonok borroka horretan... [+]


2018-03-20 | Txerra Rodriguez
Martxoaren 8ko greba feministatik irakaspenik euskalgintzetan?

Martxoaren 8ko grebak astindu ditu han eta hemen egitura batzuk. Ikusiko dugu astinaldi horiek iraunkor eta finko bihurtzen dituzten emakumeek*. Espero dezagun baietz.


2018-03-19 | Unai O˝ederra
M8ko greba feministak erakutsi diguna

Ez nuen oroitzen koadrilan guztiok gizonak ginela; martxoaren 9an konturatu nintzen. Afal aurreko poteoan txantxak, txisteak. Afal orduan, txotx deietan, “utzi pasatzen horiei, bestela…”, neskak zetozenean. Orduek aurrera egin ahala, iragazkiak ezabatuak, barruko minak, haserreak, erresistentziak, jarrera erreaktiboak. Bezperan, feministek Euskal Herriariari orri bat oparitu zioten mobilizazioen Guinness errekorren liburuan, eta koadrilan, pozez zoratzen ospakizunetan egon... [+]


Artxoak 8

Gu. Isildutako ahotsen jabe. Historia eta zientzia liburuetatik ezabatutakook. Gu. Erabaki guneetatik baztertutakook. Eremu pribatuan giltzapetuok. Prekarietatera kondenatuok. Lan berdinaren truke gutxiago kobratzen dugunok. Gu. Kontsumitu daitekeen objektu sexualtzat hartuok. Begirada lizun eta iruzkin zikinen xede. Gu. Bigarren planora baztertuok. Beldurrean heziok. Gau eta egun musu-truk lanean aritzera bultzatuok. Gu irainduok, jipoituok, bortxatuok, erailok. Gu… Gu,... [+]


2018-03-18 | Estitxu Eizagirre
Martxoak 8, greba feminista
Zapalduenek plaza hartu zutenekoa

“Nondik edo handik lehertu behar du”, “iraultza baterako baldintza objektibo guztiak daude”, “jendea bizitzeko hain larri egonik, nola ez du kaleak irakiten?”. Ezkerreko gizarte mugimenduek bilatzen zuten bizi baldintzak zukutzen ari den kapitalismoari kalean planto egiteko modua. Eta M8 Grebarekin gertatu da: gainezka egin du kaleak. Ezer ez da kasualitatea izan, eta aldi berean, inork aurrez irudikatuko ez zuena gertatu da, masa mugimenduetan ikustera ohitu... [+]


Martxoaren 8an mundua "gelditu" ostean "eraldatzeko" unea dela esan du mugimendu feministak

Greba feminista "egun historikoa" izan zen, greba eredua bera "birpentsatzeko" baliagarria, "aniztasunaz eta pribilegioez" ohartzekoa. Aurrera begira, Euskal Herriko mugimendu feministaren "interlokuzio gaitasunean" sakondu nahi dute.


Azkenak
EGILEA
Eguneraketa berriak daude