Kutsaduraren biktimak "Akurien Ibilaldia" egiten ari dira Marseillatik Parisera
Maiatzaren 1ean abiatu ziren Marseilla ondoko Fos-sur-Mer tristeki ezagunetik eta ekainaren 30ean iritsiko dira Parisera. Klase guztietako kutsadurak (airean, elikagaietan, ingurumenean, erradioaktiboak...) salatzen dituzten 100dik gora elkartek antolatu dute La Marche des Cobayes, herritarrak ohartarazteko industriak erabiltzen dituela beren produktuen ondorio kaltegarrien akuritzat.
Frantziako estatua hegotik iparrera asteotan zeharkatzen duen ibilaldiak izena hartu dio Jean-Paul Jaud zinegiliaren Tous cobayes? (Denok akuri?, 2012) dokumentalari, zeinak salatzen baitzituen transgenikoekin bezala hainbat pozoi, zentral nuklearren erradioaktibitate eta abarrekin industriak herritarrak behartzen dituela ondo aztertu gabeko kutsagaien ondorioak nozitzera, ikerketak a posteriori eginez laborategietan akuriekin egiten duten bezalatsu.
Akurien Ibilaldiaren aurkezpenean Michele Rivasi eurodiputatu ekologistak adierazi zuen helburua zela kutsadura hauen biktimen bakardadea urratu eta sortzea "mugimendu heritar bat ingurumena eta osasunari dagokionez aginte publikoek daukaten inertziaren kontra. Aitortu behar zaigu denok arai gaituztela erabiltzen akuritzat".
Ibilalaian parte hartzen ari direnek eskatzen dute industriak eragindako kalteentzako justizia, ezagutza eta ordaina, gai honetan frogen erakutsi beharra eskuz aldatuz: "Industriari dagokio frogatzea zabaltzen duen produktu berri batek ez duela kalterik eragiten, ez du biktimak izan behar produktu horren eta sufritzen duen gaixotasunaren arteko lotura demostratu behar duena". Akurien Ibilaldia konbokatu dutenek azpimarratu dute gaiotan aditu independenteek daukaten garrantzia: "Goazen urratsok ematera lobby industrialen boterea mugatzeko, produktuen ebaluazio zientifikoan eta arautzeetan infiltratuta baitaude. Eman ditzagun urratsok eskatzeko oinarrizko eskubideak: aire sanoa, elikadura sanoa, medikuntza sanoa. Egin diezaiogun uko akuri izateari!".
Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.