AEBetako Estatu Departamentuak onartu du osasun eta gizarte-programak erabili dituztela Kubara gazteak bidaltzeko “praktika demokratizatzaileak” sustatzera. Programek “gizarte zibila indartzea eta kubatarrek informazio gehiago eskura izatea” ahalbidetzen zutela argudiatu dute.
Jennifer Psaki Estatu Departamentuko bozeramaileak kazetarien galdera askori erantzun behar izan die, AP albiste agentzia estatubatuarrak “ezkutuko” programari buruzko informazioa argitaratu eta gero.
Psakiren esanetan, “ez zen ezkutuko programa izan, gauzak modu zuhurrago batean egiten diren bat baizik, bertan parte hartzen duten pertsonen segurtasuna babesteko”. Kongresuak programa horren berri zuela eta onartzen zuela ere berretsi du.
“Misio horiek gizarte zibila laguntzen zuten, eta aldi berean bigarren abantaila bat zuten: kubatarrek eskatzen zuten bezala, GIBaren prebentziorako informazioa eta entrenamendua jasotzea”, defendatu du Psakik.
Kazetariek Psakiri galdetu diote ea programaren helburua Kuban erregimen aldaketa bultzatzea zen, baina ez du erantzun. Gauza bera gertatu da “ezkutuko” programek benetako mediku-misioetan izan dezaketen eragin kaltegarriei buruz galdetu diotenean.
“GIBaren prebentziorako misioa jendeari inporta zaizkion gauzekin lan egiteko saiakeraren atal bat besterik ez zen”, esan du Paskik. Garbiketa komunitarioak, kultura aktibitateak edota zuhaitzen landaketak aipatu ditu Kuban garatutako helburu politikoa duten beste proiektuen artean.
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]
Habanan egindako elkarrizketa baten bigarren atala izan liteke hau. 2011ko ekainaren 19an ARGIAren orrialdeetan mintzatu ginen Holguineko (Kuba) gotzainarekin. Francok estatu-kolpea jo zuen garaian Legazpiko alkate Daniel Arangurenen eta Emilia Etxeberriaren semea dugu, gurasoen... [+]
Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.