Konbenioak amaitzean sortuko den “aukera” baliatzeko deia luzatu du Adegik
Gipuzkoako konbenio asko uztailaren 7an bukatuko dira eta sortuko den “aukera” berrirako prest egon daitezela eskatu die enpresei Adegi Gipuzkoako patronalak. Langileen ordezkariekin akordioak bilatzean euren “marra gorriak” ezartzeko deia luzatu du.
Donostiako Kursaalen atzo antolatutako jardunaldietan zabaldu du mezua Gipuzkoako enpresarien elkarteak. Pello Guibelalde Adegiko presidenteak eta Miguel Ayerza idazkari nagusiak hartu zuten parte, baita Federico Duran Lan Zuzenbideko katedradunak ere.
Gara egunkarian Iraia Oiarzabalek jaso ditu azken horren esanak: bere ustez, konbenioak amaitzen direnean legeek eskaintzen dituzte “ihesbideak” konbenio berrien negoziaketak dakarren “gehiegizko presioa” gainditzeko; eta horiek baliatuz, lan harremanetan “normaltasuna” berreskuratuko da.
Antzeko mezua igorri zien enpresa-jabeei Gipuzkoako patronalak joan den asteko txosten batean, San Fermin eguna baino lehen konbeniorik ez sinatzeko gomendatuz.
Uztailaren 7a baino lehen akordiorik egon ezean -eta Ayerzaren ustez, badirudi ez dela egongo-, herrialdeko konbenioaren erreferentzia galdurik Espainiako Estatukora joko da lan-harremanak arautzeko. Aurreikusi liteke egoera horrek hainbat langileren baldintzak okertzea ekarriko duela.
LAB, CCOO eta UGT sindikatuek greba deitu dute uztailaren 4an konbenioa gal dezaketen sektoreetan.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.