Kataluniako xake partidak ez du etenik
Espero zitekeen bezala, Konstituzio Auzitegiak tramitera onartu du Espainiako Gobernuaren helegitea, eta bertan behera utzi du, behin-behinean, Kataluniako Parlamentuak irailaren 8an onartutako Trantsiziorako Legea, balizko estatu katalan baten egiturari forma juridikoa ematen diona. Bitartean, Kataluniako Fiskaltzak adierazi du Mossoek ere erreferenduma galarazteko beharra dutela, Espainiako polizien gisa berean.
Ordu batzuk aski izan ditu Espainiako Konstituzio Auzitegiak Kataluniako Trantsizio Legearen aurka Moncloak aurkeztu helegitea aintzat hartzeko. Hala, espainiar justiziari dagokionez baliogabetuta geratu da legea momentuz, hari buruz behin betiko ebazpena iritsi bitartean. Bai lege hori, bai aurretik bertan behera utzitako Erreferendumaren Legea, "1978tik Espainiako bizikidetzaren oinarri diren arauen aurka inoiz egindako mehatxurik handiena" direla esan du Espainiako Gobernuak.
Bestalde, Kataluniako Fiskaltzak urriaren 1eko erreferenduma galarazteko agindua berretsi die Guardia Zibilari, Polizia Nazionalari eta Kataluniako Mossoei; argi eta garbi hirugarrenei zuzendutako mezu igorri du, modu horretan. Hiru poliziek hautetsontzi eta boto-paperak bilatu eta atxiki, eta erreferenduma gauzatzeko lanean dabiltzan politikariei buruzko txostenak egiteko beharra dutela adierazi du Fiskaltzak.
Horren aurrean, Carles Puigdemont Generalitateko presidenteak esan du Mossoen lehentasuna ez dela hautetsontziak kentzea, baizik eta "herritarrak segurtasuna babestea bermatzea". Polizia katalana bakean utz dezatela eskatu du Puigdemontek.
Egunotan galtzak bete lan dabilen Fiskaltzak, poliziari aginduak emateaz gain, Kataluniako Auzitegi Nagusiak euren aurka jarritako kereilaren berri eman die Generalitatari, Carme Forcadell Kataluniako Parlamentuko presidenteari eta Parlamentuko mahaian Junts Pel Sík eta CUP dituzten ordezkariei. Erreferendumerako Legea tramitera onartzea leporatzen diete, Espainiako Konstituzio Auzitegiak kontrakoa agindu arren. Hala ere, mahaiko kideen aurka fiskaltzak eskatutako behin-behineko neurriak ez ditu oraingoz onartu Auzitegiak.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]