Kataluniako parlamentuaren gehiengoak estatu katalan independentearen sorreraren alde bozkatu du astelehen goizean egindako saioan.
Junts pel Sí eta CUPen botoek Espainiako Estatutik deskonektatzeko prozesuari bidea ireki diote. Besteak beste, onartutako erabakiak baliogabetzat jotzen ditu Espainiako Konstituzio Auzitegiaren sententziak. Parlamentuari agintzen dio ofizialki Europako gobernuei akordio horren berri komunikatzeko.
Parlamentarien %53ren babesa izan du, 135 eserlekuetatik 72 batuz.
Espainiako Gobernuaren erantzuna, aste honetan bertan
Parlamentuak hartutako erabakiaren ondoren, Espainiako Gobernuak bere bide orria jarriko du martxan independentisten kontra. Astelehenean Espainiako Estatu Kontseiluari txostena eskatu ondoren, asteartean ministroen kontseilua egingo dute. Lehenago, Pedro Sanchez PSOEko buruarekin bilduko da Mariano Rajoy.
Aste honetan eska dezake Gobernuak Espainiako Auzitegi Konstituzionalaren aurrean Kataluniako parlamentuko adierazpena bertan behera uzteko.
Nor izango da Masen ordezkoa?
Bien bitartean, astelehenean bertan egitekoa da Kataluniako inbestidura saioa eta erabakitzeke dago zein izango izango den hurrengo legegintzaldiko presidentea, CUPek Artur Masen alde ez bozkatzeko adierazi duen asmoaren ondoren.
Hiru izen posible zabaldu dira azken egunetan, Junts pel Sí eta CUPen kontsentsuzko hautagai izan daitezkeenak.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]