Kataluniako Ara egunkariak argitaratu du hipotesi bat. Bertan azaltzen denez, CUPek Mas presidente ez izendatzeko hartutako erabakiaren ondoren, ezkerreko hautagaitzak “biraketa taktikoa” egin du esanez lehenbiziko inbestidura debatearen ondoren Junts Pel Sik beste hautagairik proposatuko ez balu, eurak izango direla mahai gainean izen bat jarriko luketenak, aurrera egin ahal izateko.

Lara Vicens kazetariak sinatzen duen kronikan aipatzen denez, CUP prest legoke Convergenciako hautagai baten alde bozkatzeko, baldin eta kontsentsuzko figura bada, Juts Pel Si eta CUP “eroso” sentiarazten dituena. Neus Munté izan daiteke pertsona hori artikuluan nabarmentzen denez, Masen alderdiko sektore “sozialdemokratena” ordezkatzen duen politikaria.

Dena den, Raül Romeva Junts Pel Si zerrendako buruak eta Muriel Casals Omnium Cultural erakundeko presidente ohiak ere aukerak dituzte, CUPen kontseilu politikoko iturriak aipatuz aipatutako artikuluan argitaratu duenez.