Karguekin libre utzi dute Bilboko eraso faxistaren egilea
Sevillako 3. epaitegiak baldintzapeko askatasuna agindu du pasa den ostegunean Bilboko Plaza Barrian egindako erasoaren egilearentzat. "Gorroto delitu zantzuak" ikusi ditu epaileak. Bideoan barrezka agertzen den gizona eta bideoaren egilea ere libre daude karguekin.
Manuel Herrera izeneko gizonezkoak aurrekariak dituenez –lesioak eta bideko-segurtasun-arauak haustea–, sare sozialetan parte hartzea debekatu dio epaileak eta hilabetean bitan agertu beharko du epaitegian. Beste kasu baten harira, aurretik debekatuta du Sevillara hurbiltzea eta beraz Sevillatik alde egin beharko du. Bilboko 9. Instrukzio Epaitegiak epaituko du kasua.
Aurretik erasoa jaso izana alegatu du
"Egindakoa gaizki egon zela" aitortu badu ere erasotzaileak, salatu du kafea hartzen ari zen herritarrak aurretik berari egin ziola eraso. "Ni naiz Gabilondo, espainol zikina, alde hemendik" esan ziola deklaratu du.
Epaitegitik irtetean han bilduta ziren kazetarien aurka jo du erasotzaileak oldarkor, ostikoa jotzeko keinua eta mehatxua egin die telebistetako kamaralariei.
Sare sozialetan zabaldutako bideo honen bitartez atxilotu dute Supporters Gol ultra taldeko kidea.
Recibo este vídeo de "Supporters en Bilbao". Hacía tiempo que no veía nada más lamentable. No quiero ultras así. "De mi equipo". Nunca. Asco pic.twitter.com/Movpaih5Ja
— Clara Sanz (@claras26) April 27, 2017
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]