Jean-Michel Anxolabehere, Pirinio Atlantikoetako Laborantza Ganberako presidentea hil da
Jean-Michel Anxolabehere Pirinio Atlantikoetako Laborantza Ganberako presidentea iragan igandean zendu zen Baigorrin. Haren emazteak aurkitu zuen gorpua. Orainokoan ez dira heriotzaren arrazoiak ezagutzen. Familiak eta lagunak autopsiak emanen dituen argipenen zain daude horiek argitzeko.
Jean-Michel Anxolabeherek 46 urte zituen eta Departamenduko Ganberako presidentea zen 2007az geroztik. Akitania Erregioko presidente Alain Roussetek eta Pirinio Atlantikoetako presidente Jean-Jacques Lasserrek haren heriotza "galera handia" dela aditzera eman dute.
Anxolabehere AEBetan sortu zen. Hiru urterekin etorri zen Baigorrira. Laborantzari buruzko ikasketak egin ondoren, baserri munduko egituretan lan egin izan du. FDSEA sindikatuan, besteak beste.
Euskal Herriko Laborarien Batasunak (EHLB) atsekabea adierazi du, baita erran ere, Anxolabeherekin desakordioak izan zituela behin baino gehiagotan, baina betiere, aldeak alde, gardentasunez jokatu zuela. Demokraziaren aldeko eta aniztasunarekiko haren jarrera goraipatu du EHLBk.
Garapen Kontseiluko Caroline Phillips presidenteak Anxolabehereren heriotzak kontseilu horretan eragindako tristezia adierazi du. Departamenduko Laborantza Ganberako kidea zen aldetik, Anxolabehere Garapen Kontseiluko kidea zen 1994tik.
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]