I. Genero eta Energia Topaketak: Trantsizio energetiko feministaren premia

  • Otsailaren 2tik 4ra bitarteko asteburuan I. Genero eta Energia Topaketak egin dira Bilbon. Espainiar Estatuko 150 emakume* aritu gara, besteak beste, energiaren mundua gizon bakar batzuen eskutan egoteak dakartzan ondorioez, trantsizio energetikoa feminismotik eraikitzeaz eta arlo honetan emakumeok egiten dugun lana ikustarazteaz eztabaidatzen.

Estitxu Villamor
2018ko otsailaren 07a
Otsailaren 2tik 4ra elkartu ziren 150 emakume Bilbon. Argazkia: Ecuador Etxea.

Inor ez da harrituko energiaren sektorea erabat maskulinizatua dagoen beste botere esfera bat dela entzuteaz. Energia enpresak gizonezkoek zuzentzen dituzte eta energia politikak ere eurek egiten dituzte. Espainiar Estatua ez da salbuespena, han ere energia gizon gutxi batzuen esku baitago: Borja Prado (Endesa), Ignacio Sánchez-Galán (Iberdrola), Isidro Fainé (Gas Natural), Antonio Brufau (Repsol)... Emakumezkoek enpresa horietako zuzendaritza postuen %20 baino gutxiago betetzen dituzte. Politikaren arloan aipatzekoa da, Espainiako Gobernuak onartu berri duen Trantsizio Energetikoaren Legearen baitan, hurrengo 30 urteetarako ekintza plana eraikiko duten adituen batzordea: 14 gizon eta emakume bakar bat ere ez. Hausnarketa horiekin eman zien hasiera otsailaren 2an Alba del Campok (Cadiz-eko Trantsizio Energetikoko Mahaia) Topaketei. Bere esanetan, “energiak, esku gutxi batzuen esku dagoenean, dirua eta boterea sortzen ditu”, emakumeak erabat kanpo uzten dituen boterea, alegia.

Eredu energetikoaren ondorioak ezberdinak dira gizon eta emakumeengan

Badago, ordea, energiaren munduan feminizaturik dagoen sektore bat: pobrezia energetikoa. Izan ere, gizon edo emakumeek ezberdin pairatzen ditugu eredu energetikoaren ondorioak. Tradizionalki etxearen ekonomia eta zaintza egokitu zaizkigun honetan, emakumezkoak izan gara energia (egurra, ikatza,...) biltzearen arduradunak. Egungo gizarte modernoan, sexuen arabera bereizitako datuak eskuratzea zaila den arren, Gizarte Zerbitzuetara diru-laguntza edo aholkularitza eske doan gehienak emakumezkoak dira (migratzaileak, alargunak, etxeko lanen sektorean dihardutenak eta ama bakarreko familiak, batik bat), Irene Gonzálezek (Mugarik Gabeko Ingeniaritza) aurkezturiko “Genero ezberdintasuna eta pobrezia energetikoa” txostenean jaso bezala.

Emakumeen lana ikustarazteko beharra

Hala ere, asko gara energiaren inguruko hainbat arlotan (herri mugimendu, elkarte, kooperatiba energetiko eta ikerketa zientifikoan) lanean ari garenak. Hau ikustarazten lan bikaina egin zuen María Caminos ingeniariak, eguzki energiaren arloan berak zein bere inguruko beste bost emakumek buruturiko ikerketen berri emanez. Gainera, Topaketen helburuetako bat, emakume adituen datu basea osatzea izan da. Otsailaren 2an aurkeztu zuten emakume adituetako batzuek datu basea, aurrerantzean osatzen jarraituko dena.

Eredu aldaketa burutzeko proposamen ekofeministak

Bizitzaren aurka doan eredu honen aurrean, guk geuk gobernatu beharreko trantsizio energetiko feminista eta justuago baten premia izan da Topaketak zeharkatu dituen gaia. Mónica Guiterasek (Xarxa per la sobirania energètica) ondo baino hobeto laburbildu zituen helburua lortzeko proposamenak: bizitza eta zaintza erdigunean kokatzea, elkarrekiko eta naturarekiko dugun menpekotasuna aitortzea eta baita pairatzen ditugun zapalkuntza anitzez ohartzea ere.

Horren guztiaren gainetik, saretzea izan da Topaketen helburu nagusia. Horretan aritu gara asteburuan, tailer, aurkezpen, kontzertu, espazio formal eta informal artean, izena eman genuen 150 emakumeok*. Antolatzaileek ere espero ez zuten arrakastak argi eta garbi adierazten du gai hau mahaigaineratzeko eta elkarrekin lantzen hasteko genuen beharra.

Kanal hauetan artxibatua: Energiaren sektorea  |  Feminismoa  |  Bilbo

Energiaren sektorea kanaletik interesatuko zaizu...
2018-05-20 | I˝aki Barcena
Petronor noiz arte?

Petrohorror ezizena jarri zioten Athleticen kamisetan publizitatea egiten hasi zirenean 2008. urtean. Urtero bi milioi euro sartzen zituzten zurigorrien aurrekontuan, sei urte jarraian eta denak pozik, antza, ekologistak salbu.  Baina urte oparoak bukatu ziren 2013an koke planta martxan jartzearekin batera, petrolio birfindegira zorrak etorri baitziren bi urtez jarraian. Batzuen ustez, 750 milioi euroko inbertsioaren ordaina zen. Beste batzuen ustez aldiz, gaurko sistema ekonomikoan... [+]


2018-01-08 | Mikel Casado
Goi tentsioarekin kozinatu nahi gaituzte

Seguruenik, ezaguna da Eduardo Galeanoren sukaldariari buruzko ipuin polit hori: sukaldariak etxaldeko hegaztiak (oiloak, ahateak, indioilarrak etab.)  bilarazi zituen eta galdetu zien zein saltsarekin nahiago zuten janak izatea. “Ez dugu jan gaitzaten nahi, edozein modutan dela ere” erantzun zion oilo batek. Sukaldariak erantzun zion hori ez zela baliozko erantzuna, kozinatuak izango zirelako, beraiek nahi edo ez.


2017-12-26 | Miren Osa Galdona
Hego Euskal Herriko lehen energia komertzializatze munizipala sortu dute Izaban

Energia Rio Ezka izena du Hego Euskal Herriko lehen energia komertzializatze munizipalak. Izaba inguruko baliabide naturalak aprobetxatuz, eskualdea nahiz iberiar penintsulako edozein txoko hornitzeko prest daude. Proiektu aurrerakoia eta iraultzailea dela diote arduradunek.


Gamesak 155 langile kaleratuko ditu Euskal Herrian, gehienak Nafarroan

Siemens Gamesa multinazionalak Nafarroako Sarrigurengo lantegian 91 behargin utziko ditu kalean, Agustinosen 11 eta Orkoienen 4. Bizkaiko Zamudioko zentroan, berriz 48 kaleratze egingo ditu.


Ultzamako biometanizazio planta auzitara eramango du Gobernuak

Finantzaketa publikoan eta diru-laguntzetan izan diren irregulartasunak direla-eta, eta arduradunak badaudela jakinda auzitara jotzea erabaki du laukoak.


2017-07-04 | Estitxu Eizagirre
Naturgas Usurbilgo Udalaren baimenik gabe ari da urratzen erraustegirako gas bidea

Uztailaren 3ko goizean Zubieta eta Usurbil arteko bidea itxi zien Naturgasek, ez bi udal erakunde horiei ez herritarrei inolako jakinarazpenik igorri gabe. Usurbilgo Udaleko Gobernu Batzordeak baimena ukatua dio Naturgasi, "zerbitzu publikoei eta herritarrei pasabidea bermatzeko plana" aurkezteko eskatuz.


2017-06-28 | Unai Brea
Espainia salatu dute Europan, zentral elektrikoei emandako milaka milioi euroko laguntzak direla eta

IIDMA institutuak eta Energia Eredu Berri Baterako Plataformak Espainiako Estatuaren aurkako salaketa ipini dute Europako Batzordean, hainbat urtez zentral elektrikoei emandako diru-laguntzak legez kanpokoak direlakoan. Salaketak aurrera eginez gero, espainiar argindar konpainiek 3.000 milioi euro itzuli beharko lituzkete, 2011-2015 epeari dagokionez bakarrik.


Mexikoko Maseual herria
Kooperatibak lurraldearen defentsarako lanabes

“Maseual identitatea bizitzeko modu bat da, sentitzeko modu bat, jokatzeko modu bat, nire bizitza da”. Horrela definitu du Maria Luisa Albórezek Tosepan Titataniske kooperatiben elkartea. 40 urteko ibilbidea duen mugimendua da Tosepan, kooperatibismoa, maseual identitatea eta lurraren defentsa oinarri dituena.


Basoen Nazioarteko Egunean FAOk biomasaren erabilera energetikoa bultzatu duela salatu dute

Europako 46 erakundek gaitzetsi dute NBEren Elikadura eta Nekazaritza Erakundeak (FAO) Basoen Nazioarteko Egunean basoak erretzea bultzatzea. Basoen ekosistemaren iraupenaren eta zaharberritzearen alde egitea eskatu diote.


Azkenak
EGILEA
Eguneraketa berriak daude