“Hezkuntza sistema propioa” aldarrikatzeko mobilizazio egun nazionala azaroaren 28an
Hezkuntza Plataformen Topaguneak deituta, hainbat ekitaldi egingo dituzte Hego Euskal Herriko lau hiriburuetan. LOMCEren “inposaketa” salatu, eta “hekuntza eredu propioa” eraikitzeko asmoa erakutsiko dute.
Hasteko, Iruñean asanblada irekia eta elkarretaratzea egingo dituzte 10:00etan, Biurdana Ikastetxean. Ondoren, 17:00etatik aurrera, kalejirak izango dira Bilbon, Donostian eta Gasteizen. “Lau hiriburuetako kaleak alaitasunez eta aldarriz beteko ditugu, egungo inposizioak salatu eta etorkizunari begira jartzeko”, azaldu dute Hezkuntza Plataformen Topagunetik.
Badaude alternatibak
“Aukera berdintasunean” oinarrituta, ikasleak “hezkidetzan” heziko dituen “sistema propioa” abiatzea beharrezkotzat jotzen dute. “Eredu hori txikitik handira eraiki nahi dugu, herriz herri, ikastetxeez ikastetxe”. Horren harira, azpimarratu dute alternatibak badaudela, eta horiek garatzea posible dela, “Bilboko Alternatiben Herrian ikusi ahal izan zen bezala”.
Iragan ikasturtean hainbat ikastetxek LOMCEren aurka harturiko jarrera ere alternatibak daudenaren erakusletzat jotzen dute. Azaldu dutenez, hezkuntza komunitatearen elkarlanari esker azterketa “atzerakoi, inposatu eta antipedagogikoei” planto egitea lortu zuten. “Aurten ere horretara goaz”.
“Ez dugu ez LOMCErik, ez berau aplikatzen duen ‘Heziberri’-rik nahi. Egungo eredu arrotza gainditu eta gure hezkuntzaren gaineko erabakiak guk geuk hartu nahi ditugu, gure ikastetxe eta herrietatik. Bada, azaroaren 28an kalera irten eta gure hezkuntza sistema eraikitzeari ekingo diogu”.
Mobilizazioen inguruko informazio guztia Hezkuntza Plataformaren Topagunean webgunean aurki dezakezue.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]