Hasi da Francesc Homsen kontrako epaiketa A9ko kontsultagatik
Espainiako Auzitegi Gorena hasi da Francesc Homs epaitzen 2014ko azaroaren 9ko kontsulta independentista antolatzeagatik. PdeCATen Kongresuko bozeramailea Artur Masen aholkularia zen kontsulta egin zutenean. Otsailaren hasieran hasi zen Masen kontrako epaiketa, eta orain haren aholkularia epaituko dute.
Fiskaltzak leporatzen dio kontsulta antolatu izana, eta horrekin Auzitegi Konstituzionalak esandakoa desobeditzea; bederatzi urteko inhabilitazioa eskatu du. Masekin egin zuten antzera, jende ugarik lagundu du Homs epaitegiraino. PdeCAT, ANC, Ómnium eta ERCko ordezkariak, Generalitateko hainbat kontseilari eta Mas bera izan dira bertan. Presidente ohiak astearte arratsaldean deklaratuko du lekuko bezala.
Auzitegi Konstituzionalak 2014ko azaroaren 4an geldiarazi zuen kontsulta. Baina fiskaltzak dio Homsek kontsulta antolatzeko jarduerak egiten jarraitu zuela ondorengo egunetan. Aitzitik, defentsak dio Homsek ez zuela jaso Konstituzionalaren ohartarazpen jakinik, eta epaiaren ostean, kontsulta boluntarioek antolatzen jarraitu zutela.
Fiskaltzak erabiliko duen froga nagusia Homsek T-Systemsi bidalitako gutun bat da. Auzitegi Konstituzionalak kontsulta bertan behera utzi ondoren, aholkulariak gutun bat bidali zion enpresari esanez denak berdin jarraitzen zuela aurrera.
Homsek esan du bere kontrako epaiketa politikoa dela. Prozesu herritar, demokratiko eta baketsu baten aurrean, erantzuna penala baldin bada, Espainiako Estatuaren amaiera dela erantsi du.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]