Greziako anbulatorioak itxialdian pribatizazioa eragozteko
Berehala itxi nahi ditu greziar gobernuak oinarrizko laguntza medikua eskaintzen duten klinika publikoak. Eraikin horiek 9,5 milioi pertsona baino gehiagorentzako zerbitzua eskaintzen dute, eta gaurko iragarrita dauden itxierek milaka langileren kaleratzea eragingo luke.
PASOK eta Demokrazia Berria alderdiek osasun zerbitzuen erakunde nazionaleko klinikak (EOPYY-ak) ixteko lege berria onartu zuten parlamentuan.
Azaroaren 25etik greban daude EOPYYko langileak, eta gaur borroka gogortzeko erabakia hartu dute, gobernutik “berehalakoan” poliklinika guztiak ixteko agindua jaso ostean.
Anbulatorioak hilabetez itxi nahi ditu Adonis Yoryadis osasun ministroak, erregimen berriaren arabera lan egingo duten zentro berriak irekitzeko.
“Lehen paraleloki funtzionatzen zuten bi sistemak, EOPYY eta ospitaleetako osasun zentroak, sistema bakarrean batzea da asmoa” adierazi du Yoryadisek.
Anbulategietako giltzak eta material guztia gaur entregatu ditzaten eskatu du, oraindik osasun sistema berriaren legea argitaratu ez bada ere.
Horren aurrean, osasun zentro publikoetako langileek “legezkotasuna babestu eta itxiera eragozteko” anbulatorioetara jotzeko erabakia hartu dute. Herritarrei ere dei egin diete, guztien artean “eutsi eta oinarrizko atentzio medikua babestu” dezaten.
Irrati-Telebista publikoaren defentsan gertatu zen bezala, espero da osasun langileek zentroak entregatzeari uko egin eta Greziako ehundaka klinika herritarrek okupatuak izatea.
Kasu hartan ez bezala, klinikak zabalik mantentzea da helburua.
Informazio gehiago hemen.
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]