Beste greba bat hezkuntzan, Jaurlaritzak "ez duelako negoziatzeko inolako borondaterik"

  • Martxoko greba egunean ohartarazi zuten sindikatuek: Eusko Jaurlaritzak murrizketen politika alboratu eta negoziatzera eseri ezean, mobilizazio gehiago etorriko ziren. Ordutik Hezkuntza Sailak “ez du negoziatzeko inolako borondaterik agertu”, diote sindikatuek, eta grebara doaz maiatzaren 16an eta 23an.

Mikel Garcia Idiakez @mikelgi
2017ko maiatzaren 15a
Martxoaren 22ko mobilizazioak (LAB)

Hezkuntza inbertsioa gutxienez Europar Batasuneko batez bestekora handitzea; ia %40ko behin-behinekotasuna %6ra murriztea; gutxienez 2.000 langile gehiago hartzea; gelako ikasle kopurua %10era jaistea eta ordezkapenak lehen egunetik egitea eskatzen dute, besteak beste, Steilas, LAB eta ELAk. “Eskatzen duguna ez da ezer iraultzailea, baina aspalditik krisia dute aitzakia eta murrizketak betikotu nahi dituzte”. Hezkuntzak bizi duen egoera “oso larria” dela azpimarratu dute sindikatuek.

Jaurlaritzak “negoziatzeko batere interesik ez duela” ikusita, maiatzaren 16ko grebarekin bat egin du CCOO sindikatuak ere. Unibertsitatez kanpoko hezkuntza publikoko irakasleak, Heziketa Bereziko langileak, sukaldariak, garbitzaileak eta Haurreskolak Partzuergoko langileak daude deituta.

Administrazioaren erantzunik ezean, mobilizazioekin jarraituko dutela argi adierazi dute sindikatuek. Oraingoz, maiatzaren 23rako ere deituta dago greba.


Euskal eskola publikoa kanaletik interesatuko zaizu...
2018-01-31 | ARGIA
Eskola inklusiboa eta pedagogia feminista, STEILASen 40. urtemuga ospatzeko

40 urte bete ditu STEILAS sindikatuak eta ospatzeko lau saio ireki antolatu dituzte, sindikalgintza eta feminismoaz, eskola inklusiboaz, pedagogia feministaz, eta zerbitzu publikoak erasotzen ari den neoliberalismoaz. Dokumentala ere aurkeztuko dute, eta amaitzeko, maiatzean iritsiko da sindikatuaren XI. Kongresua, “40 urte publikoaren alde” lelopean.


2018-01-21 | Estitxu Eizagirre
Zizurkilgo San Millan eta Abaltzisketako Txalburu:
Ikasleak aske sentitzen diren eskola

Badira bi Eskola Txiki eguneroko jarduera osoa tailerretan burutzen dutenak, ohiko arloetan oinarritu gabe. Umeek ez dute eserita egon beharrik, nahi dutenean tailer batetik bestera joan daitezke eta horrela erabakitzen dute zer tailerretan aritu, zer egiten, zenbat denboraz. Ez dago testu-libururik, ez ikasmailarik, ez adin bakoitzean eman beharreko edukirik, ez azterketarik. Eta erabateko adin aniztasuna dute: 2-12 urte arteko ikasle guztiak elkarrekin aritzen dira uneoro. Ezaugarri horiekin... [+]


Aste osoko grebak deitu dituzte hezkuntza publikoan

EAEko hezkuntza publikoan mobilizazio berriak iragarri dituzte ELA, LAB eta STEILAS sindikatuek, urtarriletik ekainera bitarte (ikusi behean mobilizazioen egutegia). Eusko Jaurlaritzarekin akordiorik lortu ezean, besteak beste langile guztientzako hiru greba egun eta sektoreka aste osoko grebak dituzte aurreikusita.


Zer eman du Hezkuntza sailaren eta sindikatuen arteko negoziazio-bilerak?

EAEko hezkuntza publikoan inbertsioa handitzeko eta baldintzak hobetzeko azken hilabeteotan egiten ari diren mobilizazioen artean, Eusko Jaurlaritzako Hezkuntza sailarekin bildu dira sindikatuak, eta proposamen berria luzatu die administrazioak. Hona sindikatuen balorazioa:


Hezkuntza publikoko langileek kaleak hartuko dituzte

Irakasleak, hezkuntza bereziko hezitzaileak, sukaldariak, garbitzaileak eta Haurreskola Partzuergoa: hezkuntza publikoko langileak grebara deitu dituzte EAEn, abenduaren 12an. Aldarria, "lan baldintzak hobetu, hezkuntza eraiki!". Nafarroako hezkuntza komunitatea ere deituta dago, Iruñean egingo den giza katera.


Haizea alde behar du Hezkuntza sailburuak

EAEko hezkuntza publikoaren baldintzak hobetzeko eskatuz kalera atera da jendea asteburu honetan, Bilbo, Donostia eta Gasteizen.


Haizea alde behar du Hezkuntza sailburuak

EAEko hezkuntza publikoaren baldintzak hobetzeko eskatuz kalera atera da jendea asteburu honetan, Bilbo, Donostia eta Gasteizen. Erantzun zabala izan dute manifestazio deialdiek, baliabiderik gabe kalitatezko hezkuntzarik ez dagoela salatzeko.


"Ez da posible kalitatezko hezkuntza, baliabiderik gabe"

“Lan baldintzak hobetu, hezkuntza eraiki” lelopean, jende asko bildu da Donostia, Gasteiz eta Bilboko manifestazioetan, hezkuntza publikoan murrizketak amaitu daitezela eskatzeko. “Langileak, ikasleak, familiak eta herritarrak gaude gaur hemen; oraina eta etorkizuna daukagu jokoan, ez baita posible kalitatezko hezkuntza, gure haurrek behar duten hezkuntza, baliabiderik gabe”.


28ko manifestazioen atarian, adostasuna urruti

EAEko hezkuntza publikoko murrizketei aurre egiteko negoziaketen baitan, Jaurlaritzaren proposamena ez dute onartu sindikatuek: diote euren aldarrikapenen %5era ere ez dela iristen proposamena, baina jarrera aldaketa ikusi dutela administrazioan.


Itxialdiak ikastetxeetan murrizketen kontra

"Lan baldintzak hobetu, hezkuntza eraiki" lelopean, murrizketen aurkako mobilizazio bereziak ikusten ari gara hainbat ikastetxetan: itxialdiak egin dituzte, eta horri lotuta, haur eta helduei zuzendutako jolasak, otorduak, musika edo ipuin saioak, hezkuntzaren egoerari buruzko kafe-solasaldiak… aldarrikapena abiapuntu. Urriaren 28an grebara dago deituta EAEko unibertsitatez kanpoko hezkuntza publikoa.


Azkenak
EGILEA
Eguneraketa berriak daude